KPA: Noticia di un crimen na un hotel na Aruba ta falso!

ORANJESTAD – Cuerpo policial dialuna mainta a clarifica un noticia cu a circula den fin di siman riba rednan social, unda cu un medio local a publica cu tin un caso di asesinato di un turista na un hotel local. Segun Cuerpo policial, ‘diadomingo anochi a tuma nota cu tin un noticia cu ta circulando via whatsapp. E mensahe ta bisa cu na un highrise hotel supuestamente un turista lo a mata su casa y lo a scondie den cashi paña’ e noticia ta cuminsa bisa.

CONTROL POLICIAL

Segun cuerpo policial, nan a tuma paso mesora relaciona cu esaki. “ Polis a bay na e hotel y na unda a ponenan na altura di e noticia cu ta pasando via whatsapp y a cuminsa cu un investigacion”. E personal na e hotel a bisa cu no tin nada di crimen of mucho menos di locual ta wordo bisa riba e mensahe di whatsapp. 

LAMENTO

Segun Cuerpo policial, ta di lamenta cu ta broadcast tipo di noticia negativo y cu no ta cuadra cu e berdad y a sigura cu ta monitor tur informacion y ta tuma paso mesora pa por clarifica cu e noticia ta cuadra cu e berdad.