Na Corsou,ekipo multidisciplinario ta tene control riba 32 luga cu ta bende clapchi

WILLEMSTAD – Na Corsou, e ekipo multidisciplinario cu ta consisti di MEO, UBW, OW, SBAB, SOAW y Brandweer a tene control riba 32 establecimentonan cu a haya permiso pa bende clapchi e aña aki. Ta importante pa menciona cu aña pasa tabatin apenas 23 establecimento cu tabatin permiso pa bende clapchi, pero e aña aki e crecemento den cantidad ta considerable. Algun di e puntonan cu a hala atencion durante e control ta cu tabatin algun establecimentonan cu tabatin clapchi cu vencemento cu ainda no a pasa, pero toch a pone nan pa bende. Tambe a duna advertencia riba indicacion di prijs y e moneda cu e prijs tabata indica den dje.

A constata cu tabatin muchanan menor di edad trahando den e luganan aki. A duna permiso pa e hoben nan aki por solamente yena saco y yuda cliente hiba nan clapchi pa outo. Mas leu a constata clapchi di for di aña 2022, di cual inmediatamente a wordo duna orden pa saka nan for di mercado. E ekipo multidisciplinario lo sigui cu controlnan den e dianan benidero.