Por tin como 300 turista pega na Aruba. Gobierno ta pidi comunidad yuda hospeda nan

ORANJESTAD – Manera cu Noticiacla a raporta anteriormente, en conexion cu un tormenta di sneeuw na New York, tin varios vuelo a cancela nan biahe. Banda di esaki tin algun avion cu a confronta problema tecnico. Ambos factor a causa reto den servicio aereo. A resulta awor cu debi na e dos factornan aki,  por tin necesidad urgente  pa acomoda kisas 300 bishitante, pa cual no tin acomodacion disponibel, mirando cu Aruba ta memey di temporada halto. 

GOBIERNO CU YAMADA URGENTE: 

Gobierno como tal, diasabra anochi, a pidi tur ciudadano cu por tin un acomodacion “short term vacation rental”, e por ta condominium, apartament, un cas, pa tuma contacto cu ekipo di Aruba Tourism Authority (ATA) imediatamente: 

Ilka Laclé, na 733-4717 of i.lacle@aruba.com, of Patrick Melchiors, na 

593-6662 of p.melchiors@aruba.com. 

Ora tuma contacto via WhatsApp of email please manda e siguiente informacion:

Nomber, Fam, Adres y capacidad di e acomodacion.

Ta conta riba e hospitalidad cu Aruba ta conosi p’e! 

En caso cu yega montante di camber rekeri, den un caso asina lo no duna repuesta mas via app of email.