Director di Elmar Anthony Yrausquin a keda retira e siman aki

ORANJESTAD – E siman aki, director statutario di Elmar NV, Anthony Yrausquin a keda retira di su funcion. Abogado pa e compania, David Kock a confirma esaki pa Noticiacla. Mas detayes e no kier a duna e momento aki mirando cu e asunto ta uno fresco ainda. Unico cos cu e por a confirma pues, ta cu e noticia cu e portal 24ora a publica anteriormente, ta confirma. 

RETIRO

E informacion cu ta circula, ta cu Yrausquin lo no a actua corecto durante su periodo como director, unda cu ta acuse di a e.o. faborece cierto contractonan cu companianan cu cua e lo tin laso personal. Di otro banda, noticiacla a compronde cu e lo a para retiro di cierto personanan den e compania, y cu esaki lo no a cay bon den tera cerca accionistanan. Hecho ta cu e director ta na cas varios luna, suspendi, y a prohibie entrada na e compania su oficinanan y finial. Noticia cu e lo a wordo nenga un asina yama ‘golden handshake’ no por a keda confirma.