Aruba ta introduci regla nobo pa maneho di propiedad gubernamental

ORANJESTAD – Aruba lo introduci regla nobo y mas estricto pa e maneho di cosnan mobil y inmobil di e Land for di 1 di januari 2026. Esaki ta resulta for di e Regeling materieel beheer, cu a wordo proclama riba 18 di december 2025. Cu e regla aki, gobierno kier tin mas control riba mantencion, uso, venta y reuso di propiedad gubernamental.

E regla ta obliga ministerionan y otro organonan di gobierno pa maneha tur propiedad di un manera correcto y uniforme. Esaki no ta solamente tocante mantencion y administracion, pero tambe preveni daño activamente, limita riesgo di responsabilidad, y asegura oportunamente propiedad di gobierno. Tambe ta stipula cu riesgo pa daño na tercer persona mester wordo identifica y evalua sistematicamente.

PROPIEDAD SOBRA

Un parti importante di e regla ta e maneho di loke ta wordo yama propiedad sobra. Cosnan mobil y inmobil cu no ta necesario mas pa politica of pa e operacion di gobierno mester wordo designa oficialmente como sobra y wordo reporta.

Pa cosnan mobel, otro servicionan di gobierno ta haya prome oportunidad pa tuma nan over, prome cu bo pasa na venta, renta, donacion of destruccion. Venta publico ta wordo regula mas estrictamente y por tuma lugar solamente despues di un evaluacion di balor cuidadoso.

Pa propiedad inmobel sobra, e maneho lo wordo centralisa. Despues di transferencia, lo evalua si reuso dentro di gobierno ta posibel, prome cu dicidi si lo warda e propiedad of deshasi di dje. Den esaki, ta aplica procedimiento fijo pa transferencia, reportahe y registracion den e administracion central di e pais.

E regla lo drenta na vigor riba 1 di januari 2026.