Merca a ordena blokeo total di tur tankero sanciona drentando y saliendo di Venezuela

WASHINGTON – Presidente mericano Donald Trump diamars anochi a   ordena un bloqueo total y completo di tur tanker di petroleo sanciona cu ta drenta y cu ta sali for di Venezuela.                    “ Venezuela ta completamente rodea pa e armada mas grandi cu a wordo reuni den historia di Sur America. E situacion lo sigui agranda, y e impacto riba nan lo ta manera nada cu nan a mira antes — te ora cu nan bolbe duna Merca tur e petroleo, tera y otro activo cu nan a roba di nos anteriormente” Trump a declara tambe.

Segun Trump, e regimen ilegitimo di Maduro ta usando petroleo for di e camponan di petroleo roba pa financia nan mes, terrorismo di droga, trafico humano, asesinato y secuestro. Pa hopi motibonan, incluyendo terrorismo, contrabando di droga y trafico humano, e regimen Venezolano a wordo designa como un organisacion terrorista foranhero, e president a bisa. “

“ Pesei, awe mi ta ordena un bloqueo total y completo di tur tanker di petroleo sanciona cu ta drenta y cu ta sali for di Venezuela”.

Segun Trump, e inmigrantenan ilegal y criminalnan cu e regimen di Maduro a manda pa Merca durante e administracion debil y incompetente di Biden, ta wordo retorna na Venezuela cu un ritmo rapido. “ Merca no lo permiti criminalnan, terroristanan ni otro paisnan pa horta, amenaza ni haci daño na nos nacion y, di mes manera, no lo permiti cu un regimen hostil tuma nos petroleo, tera ni cualkier otro activo, tur cu mester wordo bolbe entrega na Merca inmediatamente!” e presidente a finalisa bisando riba su propio Plataforma digital Truth Social.