Hulanda lo no sanciona Aruba si no paga prestamo na tempo

DEN HAAG - E gobierno Hulandes demisionario a dicidi no introduci sancionnan ora   Aruba (y Sint Maarten y Corsou) no paga nan prestamonan Hulandes na tempo. E posicion aki ta sigui despues di un evaluacion di e control financiero door di SEO Economisch Onderzoek riba e periodo 2016–2022.  Asina e secretario di estado di Relacionnan di Reino Eddie van Marum, a bisa prensa diabierna ultimo despues di e reunion di Conseho di Minister di Reino. Segun e mandatario, multa of otro tipo di sancionnan por presiona ainda mas e posicion financiero di e paisnan caribeño.

For di e resultadonan di e investigacion di SEO ta sali tambe cu e control financiero actual ta contribui na finansas di gobierno mas estable, pero cu den acuerdo futuro tin cu tuma mas na cuenta circunstancianan externo inespera, manera desastre natural y pandemia.