MEP kier sa si minister a viola regla di integridad y si e la comete acto castigabel contra ley

ORANJESTAD – Partido MEP ta den e proceso pa formalisa nan preocupacion contra minister Gerlien Croes (FUTURO), pa wak si e la viola e proceso di integridad. Esaki den e echo cu e mandatario a opta pa bula pa Corsou cu un avion priva, sin tene su mes na e reglanan di integridad. E partido a duna e minister 2 siman pa presenta prueba di con e la paga pa e biahe aki, sino lo a entrega un keho contra dje. 

PROCESO A INICIA

Manera cu noticiacla a raporta anteriormente, MEP a constata cu e minister a opta pa no contesta e partido, y a dicidi di inicia e proceso pa un demanda. Mester bisa cu e biaha aki e partido ta canando un caminda mas ‘largo’ cu djis yega Ministerio Publico y entrega un keho. Noticiacla a compronde cu e partido a manda un carta pa Bureau Integriteit Aruba cu nan rappport di investigacion, cu e p eticion pa e oficina en cuestion haci un investigacion pa wak si a viola integridad. Ademas a pidi OM pa investiga si por papia di echonan castigabel cu e minister lo por a haci un acto castigabel.