Presencia di Machado na Oslo ta retrasa y tin misterio riba su paradero

OSLO - Conferencia di prensa cu e opositora venezolana Maria Corina Machado tabata programa pa e diamars aki den Instituto Nobel na Oslo, 13:00 ora lokal (12:00 GMT) un dia prome cu e ricibi Premio di Paz, a wordo retrasa. Asina Instituto Nobel na Oslo a informa, sin duna motibo pa e retraso y a agrega cu nan lo comunica e ora nobo “cu un minimo di dos ora prome”.

Instituto Nobel a informa diabiernba na e agencia di noticia EFE cu mes Machado a asegura un dia prome den un llamada telefonico cu e lo biaha Oslo.

Unda e opositora venezolana ta keda misterioso, pasobra e ta biba scondi den su pais for di inicia di e aña aki, y si e mustra cara den Oslo, esaki lo ta e prome biaha publico for di januari 2025.

Tambe ta un gran pregunta con y kico ora e lo a sali for Venezuela, den medio di e crisis di conectividad aereo cu Caracas ta pasa, sin conexonan internacional pa motibo cu hopi aerolineanan a kita nan buelo pa e advertencianan di peliger pa sobrebula region segun autoridadnan di Merca, despues di despliegue militar di Washington den Caribe.