Tweede Kamer ta debate tocante tension den Caribe y impacto riba Reino diamars

DEN HAAG – Comision di Asunto Exterior di Tweede Kamer lo tene un debate diahuebs anochi tocante “tensionnan cu a subi den Caribe y e consecuencia pa Reino.”

Pa esaki, tres miembro di gabinete lo tuma parti:

Minister David van Weel (Asunto Exterior)

Minister Ruben Brekelmans (Defensa)

Staatssecretaris Eddie van Marum (Relacion den Reino)

Den un reaccion na preguntanan skibi di frakshon GroenLinks-PvdA, nan a enfatisa cua:

“Na e momento aki no tin ningun menasa aguydo pa Reino: e accionnan ta tuma luga fuera di awa territorial di Reino y no tin indicacion cu Aruba, Boneiro of Corsou lo drenta den un conflicto posibel.”

E debate tin un duracion programa di mas o menos tres ora, y por sigui biba desde 20.30 (ora Hulanda) via website di Tweede Kamer.

Preguntanan y contestanan

1. Bo a tuma nota di e programa di Nieuwsuur di 13 november 2025 tocante preocupacion den Caribe relativo na tenshonnan ta subi entre Merca y Venezuela?

Contesta: Sí.

2. Bo ta comparti e preocupacion riba Corsou, pero tambe Aruba y Boneiro, tocante accionnan militar di Merca contra botonan sospecha di transporta droga?

Contesta:

Tin contacto hunto ou gobiernu di Aruba, Corsou y Boneiro. E preocupacion ta comprendibel.

Na e momento aki:

No tin menasa agudo pa Reino

Accionnan ta tuma luga fuera di awa territorial

No tin indicacion di un conflicto cu lo toca e islanan di Caribe

Pero e islanan, igual cu Hulanda, ta prepara pa diferente scenario posibel den caso tenshonnan sigui subi.

3. Ki ta reaccion di Reino riba e atakenan di Merca contra boto di droga? Bo ta parti  opinion di ONU y Francia cu esaki ta contra ley internacional?

Contesta:

Reino no ta parti di e operacion militar di Merca.

Merca ta referí na autodefensa i ta bisa cu cartel di droga transnacional ta un menasa pa su seguridad nacional, i nan mes a designa algun cartel manera organisacion terrorista.

Posishon di gobierno di Reino:

Pa invoca autodefensa, mester tin un atakue arma of un menasa inmediato

Na e momentu no tin informashon suficiente pa hinca un konklusion propio

Reino ta pidi pa:

Evita escalacion

Respeta ley internacional

(Manera tambe wordo pidi den deklarashon conjunto di top CELAC-EU di 9 november.)

4. Bo ta considera para compartimento di informacion cu Merca, manera UK i Canada a haci?

Contesta:

Reino no ta involví den e operacion di Merca.

Merca a priminti cu informacion colecta den JIATF-S no ta wordo usa pa nan operacion nacional actualmente.

Defensa no ta duna detaye riba cambio di informacion cu otro servicionan.

5. Mester tin garantia cu kustwacht no ta contribui den accion ilegal di Merca?

Contesta:

Kustwacht Caribense ta opera solamente den:

Awa territorial di Reino

Zona Economiko Exclusivo (EEZ)

Accionnan ey no tin cuido cu partnernan internacional

y esaki ta cumpli den e situacion di awor.

Na Hato tin un acuerdo pa Cooperative Security Location (CSL):

Merca por haci buelonan pa vigilancia di trafiko di droga

Solamente buelonan sin arma

No tin buelonan pa e operashon nacional di Merca

6. Con bo ta traha hunto ku Aruba, Corsou y Boneiro pa kita preocupacion di pueblo?

Contesta:

Ministernan di Asunto Exterior y Defensa ta sigui desaroyo pa biaha.

Nan ta informa gobernantenan local i ta yuda den preparacion di scenario, incluso logistica.

Esaki tabata tambe tema durante “Siman di Maneho di Crisis” na Corsou (24–28 november).

7. Con bo ta prevení confucion den comunicacion pa pueblo den e islanan?

Contesta:

Gobiernonan di Aruba, Corsou y Boneiro mes ta comunica cu pueblo.

Minister di Asunto Exterior ta suministra informacion continuo y cla riba situacion geopolitiko.

Conclusion

Gobiernonan ta sigui alerta, pero no tin indicacihon di un menasa directo pa Reino of pa islanan di Caribe den e momento aki.