Na Corsou, uso di coriente y awa a subi fuertemente

WILLEMSTAD – Uso di coriente y awa riba Corsou a subi fuertemente durante 2024. Esaki ta sali den e raport anual di Aqualectra. Benta di coriente a crece rond 12%, mientras consumo di awa a subi rond 4%. Segun Aqualectra, e aumento tin relacion cu crecimiento economico riba e isla y temperaturanan mas halto cu den añanan anterior. Cs y negoshinan ta uza airco mas frecuente pa  fria, loke ta subi demanda di coriente. Mesun condicion climatico ta causa cu gasto di awa ta subi tambe.

Den 2024, benta di corriente a yega un nivel record, den linea cu economia cu ta crece, sobretodo den turismo y construccion. Benta di awa tambe a sigui na un direccion positivo despues di algun variacion den añanan pasa. Demanda halto pa corriente y awa ta pone presion riba infrastructura. Pa motibo aki, Aqualectra ta inverti fuerte den e red: den 2024 nan a gasta 177 miyon florin den proyecto pa mehora produccion di coriente, distribucion di awa y energia sostenibel.

Aqualectra ta indica cu e aumento den uso ta un desaroyo  structural. Tanto economia cu ta crece, como cambionan climatico, ta tin un rol mas grandi den demanda di coriente y awa riba Corsou.