BCA: Muhernan arubano tin scol mas halto pero ta gana menos cu homber

ORANJESTAD – E mas reciente reporte di Banco Central di Aruba tocante husticia sosial ta mustra cu desigualdad entre homber y muher den mercado laboral ta keda persistente den manera  structural. Mientras e nota di prensa ta menciona solamente temanan general tocante general di igualdad, e reporte ta describi den detaye cu diferencia di salario ta apenas mehora durante decadenan y cu politiconan te awor no a logra efecto suficiente. For di e reporte ta keda cla cu muhernan na Aruba, den promedio, tin un nivel di estudio mas halto cu homber, pero nan no ta gana segun nan capacitacion. Diferencia salarial ta sigui existí, y esaki ta keda pone posicion economico di muhernan den desventaha  structural. Aunke a haci inversionnan den educacion, atraso di muhernan den mercado laboral no a desaparece. Investigadornan ta bisa cu e buraco aki ta casi no ta cera  den mas cu binti aña.

PARTICIPACION LABORAL

Menos pago tambe tin efecto directo riba participacion laboral. Muhernan ta participa menos den e proceso laboral formal cu homber, apesar di nan nivel di scol mas halto. Segun e reporte, hopi muher ta retira  parcialmente for di economia formal pasobra traha financieramente no ta atractivo ora diferencia salarial ta sigui grandi. Parti di nan ta drenta mas hopi den trabou informal pa yuda completa ingreso familiar. E desaroyo aki no ta solamente pega na famia individual, pero tambe ta limita e economia den su totalidad. E reporte ta enfatisa cu subtilisacion  structural di potencial laboral di muher ta stroba crecemento economico. Desigualdad aki tin un impacto tanto social como economico.

ANALISIS DI SALARIO

Un punto interesante den e reporte ta cu Banco Central ta propona cu empresa mester haci analisis di salario obligatorio pa haci e diferencia di pago  visibel y obliga abordahe di diferencia di pago. Tambe ta nombra horarionan di trabou mas flexibel manera un medida necesario pa aumenta participacion laboral di muhernan. Asina Banco Central ta propone instrumentonan concreto di politica, den luga di solo crea mas consenshi tocante igualdad  di genero.

CONCLUSION

Conclusion di e analisis ta cu politica actual tocante igualdad di genero no a yega resultado suficiente. Apesar di atencion largo durante  añanan den educacion, diferencia di ingreso entre homber y muher ta persisti y participacion laboral di muher ta keda atras. Esaki ta mustra cu e problema aki ta  structural y ta tin un impacto mas profundo cu loke a wordo pone cla te awor den debate publico.