Barco di marina hulandes Den Helder ta bin reforsa islanan ABC den Caribe

DEN HAAG - Zr. Ms. Den Helder ta regresando na e parti Caribense di Reino y ta bin reforsa e barco Zr. Ms. Groningen. E barco tabata den zona prome pa haci pruebanan den awa cayente. Despues di bishita na Norfolk y New York, e barco di suministro ta bolbe Caribe. E barco lo keda den e area un tempo mas largo pa por duna apoyo na suministro si ta necesario. Departamento di Defensa ta evalua continualmente si medida preventivo adicional ta nesesario segun desaroyonan actual. E tenshon den region na momento aki no ta representa un menasa directo pa islanan ABC.

Zr. Ms. Den Helder a tuma posicion den Caribe for di mitar di oktober pa pruebanan den awa cayente. Humedad halto y temperaturanan halto di awa ta duna condicion ideal pa test con e barco y su instalacionnan ta reacciona den esaki.

Marina Real di Hulanda a drenta Zr. Ms. Den Helder ofcialmente den servicio dia 1 di oktober 2025.