Na Corsou, Cft lo sigui investigashon penal na Curaçao Gaming Authority di aserca

Posted on 12/2/2025 2:56 pm AST | Updated on 12/2/2025 2:57 pm AST

WILLEMSTAD - Kolegio di Supervishon Finansiero (Cft) ta bisa di por a komprendé ku Ministerio Públiko ta hasiendo un investigashon na Curaçao Gaming Authority (CGA). Den e reakshon riba e di tres ‘uitvoeringsrapportage’ di gobièrnu e kolegio ta bisa ku CGA ta responsabel pa ehekushon di e lei nobo di ‘online gaming’, LOK. CFT ta sigui e desaroyonan di aserka i lo drenta den deliberashon na nivel di ámtenar riba esaki.

Relashoná ku e LOK, Cft ta bisa ku te ku e di 3 kuartal di 2025 ta mira ku riba e pòst ‘andere inkomsten’ tin un suma di realisashon ku ta mas haltu ku e suma ku ta presupuestá. Bou di e pòst akí ta kai entre otro entradanan for di e lisensianan ku ta otorgá konforme e lei di LOK. Te ku e di tres kuartal Cft a tuma nota ku tin un suma di 54 mion florin riba e pòst, ku ta mas tantu ku e suma presupuestá di 30 mion florin.

INTEGRIDAT

Den su reakshon ku a bai pa minister di Finansa, Charles Cooper, Cft ta indiká tambe ku e ta persistí den su petishon pa mas atenshon pa integridat den e sektor kolektivo. Esaki pasobra e kolegio a kapta señalnan ku esaki ta un tópiko di diskushon na GCA i Ontvanger. Integridat den seno di gobièrnu i entidatnan di gobièrnu ta un parti esensial di bon maneho finansiero i ku esaki un área di atenshon pa Cft.

E notisianan resien den prensa relashoná ku preokupashon riba integridat den CGA i Ontvanger ta suprayá e nesesidat pa haña mas klaridat riba e aspekto aki. E di tres ‘uitvoeringsrapportage’ no ta duna un bista di e entradanan for di e lisensianan ku ta otorgá den kuadro di LOK. Cft ta pidi minister Cooper tambe pa duna duna splikashon di e entradanan struktural.

Pa loke ta Ontvanger e kolegio ta bisa ku ta for di febrüari 2025 a pidi atenshon pa e problemanan den seno di servisio di impuesto di Kòrsou i a hiba deliberashon ku Konseho di Minister riba esaki. Cft lo sigui e plannan pa mehorá funshonamentu di servisio di impuesto di aserka. Un servisio di impuesto íntegro i ku ta funshoná bon ta parti di bon maneho finansiero i pa e motibu aki lo sigui ta punto di atenshon pa Cft. NOTA: Texto ta scirbi den papiamento fonetico di Corsou.

Na Corsou, Ronaldinho a ‘steal the show’ durante Legends Tournament
WILLEMSTAD – Corsou a logra clasifica mesora pa siguiente ronda di e Legends Football Tournament riba prome dia di wega. E ekipo a registra resultadonan convincente den un estadio yen y a entrega un di e actuacionnan mas destaca di anochi. Segun e organisacion, e torneo a atrae hopi publico na estadio Capital Ç, unda fanaticonan a bin mira ex-hungadornan di top for di diferente pais. Corsou a gana Hulanda cu 5-2 y tambe a hunga empate contra Spaña (2-2) y Brasil (3-3). Cu esey, nan clasificacion pa e siguiente fase di e torneo ta sigur.
Mas Corsow
Lesa Mas
Pisas: No tin keho formal contra ex minister Carlson Manuel apesar di acusacionnan
WILLEMSTAD – Contra ex-minister plenipotenciario Carlson Manuel no a wordo presenta ningun keho formal na Ministerio Publico. Esaki ta segun prome minister Gilmar Pisas, apesar di acusacionnan anterior, incluyendo mala maneho financiero y comportamiento sexual fuera di limite. Pisas a indica cu e no a ricibi ningun notificacion di polis ni husticia, ni na Corsou ni na Hulanda. E mes tambe no a haci ningun denuncia, pasobra segun e, ainda falta base suficiente mientras investigacion interno ainda no a finalisa. Si un keho lo wordo presenta despues, lo ta tarea di Ministerio Publico pa determina e siguiente paso. E situacion rond di Curaçaohuis na Den Haag tin un trasfondo mas amplio. Tin pregunta riba maneho financiero, entre otro pasobra documentonan tocante trabounan ehecuta no a wordo entrega na tempo. Tambe tin indicacion cu a paga pa servicio cu finalmente no a wordo entrega. Informacion solicita a yega na parlamento solamente den mitar di 2025.
Mas Corsow
Lesa Mas
Hulanda: Corsou mes ta responsable pa almacenamento di petroleo Venezolano
DEN HAAG/WILLEMSTAD – Hulanda ta bisa cu Corsou mes ta responsable pa almacenamento y transito di petroleo Venezolano riba e isla. Esaki a wordo confirma pa minister Stientje van Veldhoven-van der Meer den contesta riba preguntanan di Tweede Kamer. Hulanda no tin ningun rol den toma decision den esaki. E minister a confirma cu un tankero cu petroleo Venezolano a mara na Corsou pa almacenamento temporal. Detayenan tocante cantidad y acuerdo comercialnan, segun e, ta responsabilidad di Corsou y partidonan di mercado involucra. Tambe, gabinete ta enfatisa cu decisionnan tocante yegada y almacenamento di petroleo ta un competencia autonomo di Corsou. Hulanda ni e Reino no ta involucra di antemano y no ta guia e decisionnan aki.
Mas Corsow
Lesa Mas
Babyface, Jodeci y Deon Cole ta den Soul Beach Festival 2026 na Corsou
WILLEMSTAD – Soul Beach Music Festival 2026, organiza na Corsou, diamars a revela un lineup di artista di alto nivel pa e evento cu lo tuma lugar di 20 te 25 di mei. Entre e nombernan grandi ta e legendario cantante y productor Babyface, grupo R&B Jodeci, y comediante Deon Cole. E festival lo inclui concierto, comedy night y afterpartynan, cu DJ internacional manera DJ Jazzy Jeff y DJ Spinderella encargando e ambiente musical durante e weekend di Memorial Day.
Mas Corsow
Lesa Mas
Corsou ta cay duro contra Australia: 5-1 den FIFA Series
MELBOURNE - Seleccion di Corsou di futbol a sufri un derota fuerte di 5-1 contra Australia den un partido amistoso di FIFA Series na Melbourne. Ta e di dos derota consecutivo bou di e nobo entrenador Fred Rutten, despues cu Dick Advocaat a laga e puesto pa motibo personal.
Mas Corsow
Lesa Mas
FBI ta ofrece recompensa nobo pa Amy Bradley desapareci riba crucero pa Corsou
MIAMI/ WILLEMSTAD - Casi 28 aña despues cu Amy Bradley a desaparece misteriosamente durante un crucero den Caribe, autoridadnan di Merca, incluyendo FBI, a anuncia un recompensa nobo di $25.000 pa informacion cu por yuda resolbe e caso.
Mas Corsow
Lesa Mas