KLM, TUI y Corendon ta sigui bula riba islanan ABC, ningun impacto di paso di Trump tocante Venezuela

ORANJESTAD - E tres compania di aviacion Hulandes KLM, TUI y Corendon ta sigui bula riba islanan ABC, awor cu presidente di Merca Donald Trump a anuncia cu espacio aereo di Venezuela ta cerra. E islanan, parti di Reino Hulandes, ta banda di e pais Sudamericano. TUI y KLM ta bula pa tur tres isla. Corendon solamente pa Corsou y Boneiru.

IMPACTO

Segun un vocero di KLM, e paso di Trump no tin impacto riba buelo di e compania. KLM no ta bula door espacio aereo Venezolano ya hopi dia, segun nan. Esaki por nifica cu buelo KLM pa destinacionnan na Zuid-America mester bula un tiki mas largo. Vocero di TUI, Petra Kok, ta bisa cu TUI tampoco ta bula door espacio aereo di Venezuela. “Esakinan no ta kita cu nos ta sigui wak e situacion den detaye”, segun Kok. Vocero di Corendon, Audrey Denkelaar, ta bisa cu Corendon tambe ta sigui bula normalmente, pero ya no ta usa espacio aereo di Venezuela. Siman pasa, autoridad aereo di Merca a adverti companianan di aviacion grandi di un “situacion potencialmente peligroso” riba buelo banda di Venezuela, pa motibo di un “situacion di seguridad cu ta desmehora y actividad militar aumenta den of ronda di e pais”.