Hoben perdi riba laman, a keda localisa awe marduga sano y salvo

ORANJESTAD – E hoben perdi riba laman diadomingo, a keda localisa awe marduga. Polis a confirma cu marduga pa mas p menos 2:50 Central di Polis a wordo informa cu e mucha homber perdi a yega tera bek.  E la wordo hiba hospital pa controla y cu su situacion ta bon.

E CASO 

Tabata den oranan di diadomingo atardi di 30 di november, Centro Operacional Maritimo di Wardacosta a ricibi un yamada relaciona cu un persona perdi riba lama. E persona aki a sali riba un jet ski, aproximadamente 3 or di atardi for di Fisherman Hut i no a regresa. Ta trata di un  hende homber (stranhero) di 21 aña di edad, biba na Aruba. A manda un unidad di Metal Shark pa busca den area den combinacion cu e helicopter di Wardacosta y tambe e helicopter di Marina Real. E helicopter di Marina Real a logra di mira e jet ski mas o menos 5 miya for di costa pero no tabata tin niun hende riba dje.