Prome bishita estranhero di papa Leo XIV ta pa Turkia y Libanon

ANKARA - Mas cu mei aña despues di su eleccion, papa Leo XIV ta cuminza su prome bishita estranhero. Tur a warda riba Robert Francis Prevost, nacie na Merca y forma na Peru. Interes di periodistanan pa bula hunto cu e tabata grandi cu un lista di espera a forma inmediatamente pa por bula den e avion papal. Leo XIV a bay Turkia prome pa un programa amplio cu ta ecumenico, interreligioso y politico. E bishita tabata plania originalmente pa papa Franciscus, pero awor su sucesor ta bai Turkia pa conmemora un gran momentu historico for di cristianismo tempran: e Concilio di Nicea di aña 325, cu e aña aki ta cumple 1700 aña. Esaki tabata un reunion di obisponan for di Imperio Romano bou liderato di emperador Constantino e Grand, pa resolbe diferente opinion tocante base principionan di fe. E gran punto di discusion tabata si Hesus tabata un humano cu don special, of si E tabata Dios mes.

Na Nicea a establece cu E tabata di mesun rango cu Dios. Asina a fija e credo cu hasta awe dia ta vigente den casi tur iglesia. E obisponan tambe a dicidi con mester determina fecha di Pasco cristiano.