WHO ta scrap un kwart di su personal awor cu Merca a stop su financiamiento

WASHINGTON - Organisacion Mundial di Salud (WHO) ta scrap den comienso di otro aña mas o menos 2400 cupo di trabou, un kwart di e personal. Segun WHO esaki ta necesario pasobra Merca a sali for di e organisacion di salud di VN. Cu casi 20 procent di e presupuesto, e pais tabata un di e mayornan cu ta duna finansamento.

Un rato despues cu el a tuma cargo na januari di e aña aki, presidente Trump a dicidi cu Merca lo retira for di WHO. Tabata conoci cu e WHO lo mester pasa door di un reorganisacion grandi, pero te awor no tabata cla di e cantidad di trabou cu lo a desaparece.

For di un mensahe interno pa personal di WHO, cu Reuters a mira, ta parse cu te juni 2026 rond 2400 puesto di trabou lo wordo gescrapt. Un vocero di WHO a confirma e ronda di despedida. Empleadonan lo  manda bay y lugarnan cu ta bira disponible door di pension no lo wordo yena. Conseheronan y empleadonan temporal cu tabata gescrapt durante e aña pasa no ta inclui den e cifra aki.