Hulanda a clasifica pa mundial di futbol 2026 ganando di Lituania

AMSTERDAM – E seleccion Oranje di futbol hulandes a clasifica pa e mundial di futbol 2026 cu un simpel victoria di 4-0 contra Lituania. Di e 4 golnan, 3 tabata den apenas 4 minuut di tempo. E prome tabata T. Reijnders na di  ’18 minuut den prome tempo. E otro golnan a sigui den di dos tempo. C. Gakpo na di  ’58 minuut, X. Simons  na di ’60 minuut y D. Malen na di ’62 minuut.

MUNDIAL OTRO AÑA

Otro aña cu ta bin na Merca, Canada y Mexico lo ta e di diesdos biaha cu Oranje ta parti di un mundial. Cu binti punto for di ocho partidonan, Oranje cu no a perde,a finalisa ariba di e grupo G. Comparando cu e dueo desilusionante diabierna na Polonia, Lutsharel Geertruida, Micky van de Ven, Ryan Gravenberch y Justin Kluivert cu a retira pa dolor, a sali for di e formacion. Matthijs de Ligt, Nathan Ake, Tijjani Reijnders y Xavi Simons a drenta. Virgil van Dijk a hiba e banda di capitan pa e 72 biaha pa Oranje. Asina e defenso rdi 34 aña di Liverpool a bira unico recordhouder, lagando Frank de Boer cu 71 biaha como capitan, pa ultimo biaha na EK na Portugal contra Zweden den 2004, atras.