- Plan pa elimina ATV y UTV ta provoca preocupacion den sector turistico
- MEP ta pidi reunion publico urgente riba retiro anuncia di Mike Eman
- Wever: Reduccion di accijns a yuda mantene prijs di gasolin y diesel mas abou
- SETAR ta anuncia su red LTE Cat M1 pa acelera innovacion di IoT na Aruba
- Messi ta iguala record mundial di goleador, pero ta surgi pregunta riba posible carchi cora
- Plan pa elimina ATV y UTV ta provoca preocupacion den sector turistico
- MEP ta pidi reunion publico urgente riba retiro anuncia di Mike Eman
- Wever: Reduccion di accijns a yuda mantene prijs di gasolin y diesel mas abou
- SETAR ta anuncia su red LTE Cat M1 pa acelera innovacion di IoT na Aruba
- Messi ta iguala record mundial di goleador, pero ta surgi pregunta riba posible carchi cora
SMAC: Aruba a conoce su Prins y Panchonan pa Carnaval 72
ORANJESTAD - Den Centro di Bario Dakota Diasabra ultimo, SMAC a corona Aruba su Prins & Panchonan pa Carnaval 72. E resultadonan di eleccion di Prins y Pancho tabata lo siguiente:
* Categoria Infantil: Prins Ami, Kirenzley Petit y Pancho Abo, Maison Gõtze, presententando Dushi Carnival Group.
* Categoria Hubenil: Prins Ma, Landray Gomes y Pancho Bisabo, Jeaven Lanting, presententando TOB/Kiwanis Builders Club.
* Categoria Grandi: Prins Los, Shaundrik Ventura y Pancho Eeeee, Jerwin Mercera, presententando Dushi Carnival Group.
* Categoria Adulto: Prins Lanta Para, Jairo Maduro y Pancho Boso Por Sinta, Ivmar (Tyson) Croes, presententando Hepa Society.
Segun Darren van Ommeren, Presidente di SMAC, e aña aki a opta haci e eleccion adelanta mirando cu e temporada di Carnaval ta uno mas cortico. Ademas, pa SMAC y su comisionnan organisatorio, e prioridad ta keda nos muchanan. Di e forma aki por garantisa cu eventonan unda mucha ta participa por tuma luga den fin di siman y cu esaki tampoco lo caba te den ora di marduga. Esaki ta di 4 aña caba bou direccion di Darren Van Ommeren cu SMAC ta haci e eleccion di Prins cu Pancho completamente gratis pa publico, specialmente pa encurasha nos comunidad pa forma parti di esaki y apoya tur partcipantenan pa sigui engrandece e actividad.
“E apoyo di e actividad aki ta importante pues ta for di e escenario aki nos ta conoce mas comediante, mas MC y animador di evento den nos comunidad” , asina Presidente di SMAC a expresa. SMAC ta felicita tur participante di Prins y Pancho cu a aporta na Carnaval 72 y tambe nos monarcanan ganador. Pa mas informacion relaciona cu tur evento di Carnaval 72, bishita www.isladicarnaval.com of tambe busca Isla di Carnaval riba plataformanan social manera Facebook y tambe Instagram.