CARE Caribbean: Hopi interes pa traha den cuido riba islanan di Reino den Caribe 

AMSTERDAM - Pa contina desaroya e sector di cuido y bienestar den Caribe, un conexhon mas fuerte entre empleadornan y hende cu por traha ta di importancia crucial.Esaki a sali cla diasabra 15 di november durante e 3e edicion di CARE Caribbean, un evento di networking cu feria di trabou cu ta orienta especificamente riba profesionalnan di cuido y studiantenan cu tin interes den un carrera den Boneiru, Saba, Sint Eustatius, Corsou, Aruba of Sint Maarten.Studiantenan y profesionalnan Caribense y diaspora den Hulanda tin den 2025 ainda hopi necesidad pa informacion cla tocante nan futuro riba e seis islanan di Reino.Esaki a bira cla durante e programa plenario di e evento, den tres blok diferente, caminda panelnan a discuti temanan manera:- necesidad pa un polis di remigracion pa stimula combersacion y liga den islanan- desaroyo profesional pa cuido den e islanan- manera pa stimula regreso y braingainNo ta falta gana pa traha den cuido of bienestar.Mas cu mitar di e hende presente den programa plenario ta bisa cu nan kier traha den un di e islanan.Ainda den e era digital, hopi hende no por haya un bista cla tocante posibilidatnan di carrera y desarrollo den e islanan.Esaki ta mustra cu tin fuerte necesidad pa un conexhon mas firme y informacion organiza, pa empleadornan y empleadonan por haña otro miho.E conexion aki a tuma forma inmediato durante e feria di trabou y e speeddate entre empleadornan y posible empleadonan.Den feria di trabou tin siete empleadornan for di Boneiru y dos for di Corsou pa mustra vacaturanan y forma contacto nobo y inspiracion.Tambe tin un muraya yen cu vacaturanan for di Sint Maarten, Corsou y Boneiru cu no por a wordu presente den persona.CARE Caribbean ta wordu organiza dor di Fundacion WeConnect y AMA, y el a bira posibel cu un aporte di ministerio di Salu, Bienestar y Deporte (VWS) den Hulanda.WeConnect ta un fundacion edukativo cu ta traha pa conecta e parti Caribense di Reino (Corsou, Aruba, Sint Maarten y islanan BES) cu parti Europeo di Reino (Hulanda).Grupo meta ta studiantenan Caribense y young profesionalnan den Hulanda.AMA ta union di profesionalnan Caribense den cuido den Hulanda, cu meta pa conecta tur biomedyco, farmaceutico, cientificonan di salu y paramediconan cu tin un corazon pa islanan Caribense Hulandes.