- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Aruba ta conta riba crecemento modera den añanan cu ta bini
ORANJESTAD – E economia Arubano lo crece menos fuerte aña cu ta bini. Esaki ta sali den e mas reciente Economic Outlook di Central Banco Aruba (CBA). Despues di un crecemento excepcional di casi ocho porciento den 2024, apoya principalmente pa turismo y proyectonan grandi di hotel, e banco ta spera pa 2025 un aumento di no mas cu cuater porciento. Pa 2026 lo sobra 1.8 porciento.
Segun CBA, turismo ta sigui e motor principal di crecemento. E banco ta preveni un sigui subida den cantidad di turista di estadia pa 2025 y 2026, aunque gasto promedio pa visitante ta baha un tiki. Exportacion turistico total lo crece real cu 1.5 porciento den 2025 y 1.7 porciento den 2026.
SECTOR DI CONSTRUCCION
Sector di construccion tambe ta tin e economia na pia. Hotel nobo y renovacionnan ta causa un fuerte subida den inversion pa 2025, cu un crecemento real di casi diesdos porciento. Esaki ta cambia un aña despues ora cu menos proyectonan grandi ta frena crecemento di inversion y e inversion real ta baha.
Banco central ta mustra tambe riba riesgo internacional cu ta bay ta aumentando. Un guera di comercio entre Merca, China y otro paisnan por tene efecto riba Aruba, mirando dependencia fuerte di turismo Mericano y importacion Mericano.
Ademas, un disturbio den subiministro di petroleo via e caya di Hormuz por causa prijs di energia mas halto y un crecemento mas abou. Den tur calculacion cu e riesgo aki ta inclui, resultado ta mas abou of negativo compara cu e base raming.
A pesar di e enfriamento spera, perspectiva di medio plaso ta keda estable. Entre 2027 y 2029, CBA ta conta riba un crecemento modera di economia Arubano, variando entre 0.6 te 1.8 porciento pa aña, apoya principalmente pa turismo y consumo particular.
Foro Siguridad sin frontera: Colaboracion ta decisivo contra menasa moderno
ORANJESTAD - E foro internacional “Security without Borders” a reuni expertonan di diferente pais na Aruba pa discuti temanan actual den seguridad, manera seguridad cibernetico, inteligencia artificial y innovacion den proteccion di organisacionnan. Durante e evento, a pone enfasis riba e importancia di colaboracion internacional y intercambio di informacion pa enfrenta menasanan moderno, specialmente den un mundo unda crimen organisa y riesgo digital ta bira mas complejo.
Aerolineas Argentinas ta ofrece buelo barata pa Aruba pa mercado argentino
BUENOS AIRES - Aerolíneas Argentinas a lansa un promocion cu ta permiti hende bula pa Aruba pa menos di un miyon peso argentino. E oferta ta inclui buelonan directo ida y bini for di Argentina pa mas o menos $649 dollar, cu maleta di man inclui y opcion pa paga den te 12 cuota sin interes. Cu e prijs actual di dollar, e pasashi ta baha di 920 mil peso, convirtiendo esey den un opcion atractivo pa un destino internacional di beach. Promocion ta valido te 12 di april y pa biahenan te 30 di juni 2026.
Lotto: Awe abo por ta e siguiente miyonario di Aruba!
A.T.A. ta inverti fondo di turismo pa reforsa siguridad den centro di Oranjestad
ORANJESTAD - Aruba Tourism Authority (A.T.A.) ta reforza siguridad den centro di Oranjestad mediante implementacion di un sistema nobo cu camara di vigilancia y speaker publico. E iniciativa ta enfoca riba prevencion di incidente, reaccion mas rapido den situacion critico y comunicacion mas efectivo cu publico. E comunicado no ta bisa cuanto placa ATA lo ta invertiendo den e proyecto aki.
Wingo ta lansa ruta temporal entre Aruba y Barranquilla
ORANJESTAD – Aruba lo tin un conexion aereo directo cu Barranquilla dor di un ruta temporal nobo opera pa Wingo. Asina aeropuerto di Aruba a confirma diahuebs mainta. E ruta lo conecta Aruba cu Colombia via Aeropuerto Internacional Ernesto Cortissoz.
Aruba cla pa conoce su di dos miyonario di 2026 cu Lotto
Follow NoticiaCla
