Abogadonan Caribense por presenta caso digitalmente na Hoge Raad desde december

ORANJESTAD – Desde 1 di december, abogadonan y ciudadanonan den parti Caribense di Reino lo por presenta caso digitalmente pa procesonan na Hoge Raad. Pa esaki lo tin un metodo nobo pa logra drenta na sistema. Den casonan penal, solamente abogadonan y miembro designa di Ministerio Publico lo tin acceso. Sospechonan mes no por presenta caso digitalmente.= Den casonan di impuesto, ciudadanonan por eligi si nan kier presenta caso digitalmente of no. Pa empresa, gobierno, abogadonan y asesor fiscal, e manera digital ta obligatorio.

DATO PA LOGRA DRENTA

E dato pa logra drenta por wordo solicita via Hof Común di Husticia. Empleadonan di e Hof ta yuda cu e proceso di peticion. Esun cu no tin un medio di login Hulandes, por haya yudansa na e frontoffice, cu ta solicita acceso na nombre di e persona interesado na e Hoge Raad. Despues cu e peticion ta aproba, bo ta ricibi un codigo di activacion via e-mail. E Hoge Raad ta liga bo cuenta cu e dosier correcto.

PREPARACION Y SOSTEN

E Hof a organiza entrenamiento di informacion na Aruba y Corsou. Empleadonan na Sint Maarten y Boneiro a participa digitalmente. Abogadonan y asesor fiscalnan a ricibi informacion via un boletin informativo. Riba website di e Hoge Raad tin mas informacion, incluyendo preguntanan mas frecuente. E metodo di login nobo ta haci posible pa tur persona involucra den parti Caribense di Reino pa por presenta caso digitalmente. Segun Justisia, esaki ta garantiza un manera uniforme y mas sigura di procedimiento den tur Reino.