VIDEO: Corte Superior a condena muher pa castigo di 15 aña di prizon pa asesinato di Sergio Maduro

ORANJESTAD - Corte den Prome Instancia a yega na un decision e siman aki den e caso di ontneming contra dos sospechoso cu anteriormente, den e investigacion Flamingo, a wordo condena pa estafa como ‘ambtenaarnan spirito’.

DEN HAAG – Abogado general (AG) na Hulanda diamars a dicidi cu e kier duna un conseho na Hoge Raad riba e caso di casacion di Benny Sevinger, osea . Dia 27 di januari 2026, e lo duna su conseho, y despues Corte di Casacion (Hoge Raad) ta stipula un fecha pa dicta nan sentencia. Unabez cu e sentencia ey cay, esey ta bira e ultimo ‘veredicto’ pa e caso. Si Corte di Casacion mantene e sentencia ultimo, esey ta nifica cu ex minister Benny Sevinger tin cu sinta su castigo di prizon conforme e ultimo sentencia. Loke ta usual tambe, ta cu mayoria biaha, Corte di Casacion no ta desvia di e conseho di e Abogado General. Esaki tabata e caso tambe di ex minister Paul Croes. E conseho tabata mescos cu e sentencia, y Croes mester a sinta su castigo. Pues e conseho di e abogado general ta un bon indicacion, kico ta spera sr Sevinger otro aña. 

ORANJESTAD - Corte den Prome Instancia a trata ayera e caso penal contra e sospechoso J.K.F., kende ta wordo acusa di a causa un accidente di trafico riba prome di december 2023 na Savaneta, cu consecuencia mortal. Despues di e accidente el a huy sigui core; e no tabatin rijbewijs tampoco. Un pareha di turista cu a caba di yega Aruba a resulta gravemente herida. Un di e victimanan (75 aña di edad) a fayece e dia siguiente di e heridanan cu el a sufri.

ORANJESTAD –Corte di Husticia Comun a condena ministro di Husticia di Aruba pa paga un compensacion di daño na un persona cu ta busca asilo, pasobra su procedimiento a dura mas cu un aña mas largu cu loke ley ta permiti. Corte ta constata cu e trahamento di e obhecion y despues apelacion contra e rechazo di un peticion pa proteccion internacional a dura total tres aña y cuater y mey luna.

ORANJESTAD - Ayera e sospechoso I.M.P. (21 aña) den e caso Last Call a presenta dilanti Corte Superior di Husticia.  E caso ta trata di homicidio di e mucha muher Sayuri Petronia, kende a fayece riba 4 di juni 2021 despues cu P. a los tiro riba dje cu un arma di candela.  E perdida di Sayuri a laga heridanan profundo cerca su famia y den comunidad di Aruba. Su tata ta sali regularmente den publicidad pa pidi atencion pa e caso y pa expresa su dolor.  Ministerio Publico a bisa dialuna di tin consideracion pa famia di Sayuri, cu tin derecho riba reconocimento y respet.

ORANJESTAD – Hueznan di Corte Superior dialuna a determina cu e tratamento integral di e apelacion di caso Flamingo ta cuminsa dia 1 di juni 2026 y pa cual a reserva un siman completo pa trata esaki si mester. Dialuna a trata e asina yama regie zitting unda cu e defensa a haya practicamente tur nan peticionan aproba, cu ta mas bien pa scucha un cantidad mas di testigo.