Zulia (na Venezuela) ta evalua buelo pa Colombia, Corsou, Aruba y Panama

Posted on 11/4/2025 10:51 am AST | Updated on 11/4/2025 11:09 am AST

ZULIA - Na e estado Venezolano Zulia ta wordo studia e posibilidad pa habri buelo pa cuater pais. Empresarionan di e region ta spera pa e reconexion internacional for di aeropuerto La Chinita. Asina e portal ‘el oriental de monagas’ ta raporta diamars. No ta conoci con lo kier haci esaki pa Aruba si, siendo cu Aruba su frontera cu Venezuela, ta keto bay cera.

Jorge Perfetti, presidente interino di Fedecamaras Zulia y prome vicepresidente di Camara di Turismo di e estado, a indica cu aeropuerto di Maracaibo ta den condicion pa ricibi hopi mas buelo.

E la bisa cu tin frecuencianan nacional nobo (por ehempel un adicional pa Valencia) y ta evalua perspectivanan di buelo internashonal pa destino manera Colombia, Corsou, Aruba y Panama, aunque sin fecha defini.

E articulo ta referi si na un punto crucial cu ta e frontera cu Colombia. E Camara di Turismo ta gestionando cu autoridadnan pa aplica un trato similar cu Tachira cu Cucuta, loke lo permiti na colombianonan drenta den e estado solamente cu nan cedula te cierto parti di Guajira, loke lo facilita turismo binacional. Pero no ta bisa nada pa cu esun di Aruba. Interesante ta si cu ta sigui menciona Aruba aunke cu tin e restriccion aki na lugar.

Corte mericano: Venezuela a confisca petrolio di CITGO destina pa Aruba
MIAMI – Corte na Merca a otorga e compania CITGO Petroleum 54.2 miyon dollar plus interes, debi cu nan a perde placa ora cu gobierno di Venezuela a confisca un cargamento di petrolio cu tabata na caminda pa Aruba, na 2020. CITGO Petroleum a cumpra casi un miyon barril di petroleo crudo di un subsidiario di PDVSA (e compania estatal di Venezuela) pa transporta pa Aruba. Durante e crisis politico di Venezuela, Nicolas Maduro tabata na poder de facto, mientras cu Juan Guaido tabata reconoci oficialmente como presidente interino pa Merca y Asamblea Nacional di Venezuela. Despues di sancionnan nobo di Merca y reconocimiento di Guaido, e regimen di Maduro a endurece su control, usando violencia y represion. En januari 2019, e cargamento di CITGO tabata riba e barco M/T Gerd Knutsen den awa venezolano, pero e autoridadnan controla pa Maduro no a laga e barco sali, alegando disputa di pago. Den februari 2020, forza militar di Venezuela a obliga e barco bira puerto y a confisca e carga.
Mas Region
Lesa Mas
Prinses Beatrix ta bishita Boneiru y Sint Eustatius
KRALENDIJK – Su Altesa Real Prinses Beatrix, protectora di Dutch Caribbean Nature Alliance (DCNA), ta bishita Boneiru y Sint Eustatius for di 18 te 21 di november 2025 pa selebra e compromiso di e islanan aki cu conservacion di naturalesa y e iniciativanan di komunidat. E bishita ta tira lus riba restauracion di medio ambiente y proyectonan social cu ta conecta hende cu naturalesa den henter Caribe Hulandes. Durante su bishita, DCNA lo fiha atenshon riba importancia di e cinco habitatnan di mas importante – rif di coral, cama di yerba di laman, palu di mangel, mondi seco tropical y mondi humedo tropical. E habitatnan aki tambe ta forma parti di e Programa di Conservacion y Restauracion di e Habitatnan di mas Importante cu DCNA a lansa recientemente, un iniciativa regional pa proteha y restaura e ecosistemanan vital di Caribe Hulandes.
Mas Region
Lesa Mas
Venezuela: Plan di CIA ta pa infiltra agente for di e.o. Aruba y Guyana
CARACAS – Diosdado Cabello, secretario general di Partido Socialista Unido di Venezuela (PSUV), a denuncia un plan di e Central di Inteligencia (CIA) pa infiltra agente den territorio venezolano a traves di islanan Caribeño manera Trinidad y Tobago, Aruba y Corsou, ademas di Guyana, pasobra Venezuela tin su frontera cu Colombia blinda. Asina e portal psuv.org ta bisa diabierna. E informacion aki a wordo suministra pa e informante “Tutankamon”, mediante un carta manda pa “Patricio e Maracucho” y lesa pa Cabello durante su programa Con el Mazo Dando, caminda el a bisa cu e CIA ta conciente cu Maria “La Sayo” Corina no tin capacidad pa ehecuta cu exito e misionnan di sabotage interno, pasobra e la keda su so. E dirigente di e partido cora a bisa cu CIA ta busca pa pone na marcha e operativo nombra “Operacion Fenix”, cu tin como meta principal pa hiba a cabo misionnan di sabotage interno cu, segun e fuente, e banda derechista extremo no a logra cumpli cu exito.
Mas Region
Lesa Mas
Mortonan y destruccion na Jamaica, Haiti y Cuba causa pa horcan Melissa
HAVANA - Den region Caribense ta wordo evalua e daño despues di e horcan destructivo Melissa. E horcan aki a laga un rastro di destruccion na Jamaica, Cuba y Haiti. Decenas di persona a perde nan bida. Na Jamaica hopi cas y otro edificio a wordo destrui, especialmente den y rond di ciudad di sur Black River. Den e area ey e horcan a yega tera. Segun e prome minister Andrew Holness, 90 porciento di e region rond di Black River ta destrui. E a bisa cu e ciudad aki ta awor “ground zero”. “Yama esaki un catastrofe ta un palabra hopi suave. Nos ta destrui,” segun polis di Jamaica. Segun polis, e hospital ta completamente destrui, igual manera cu infrastructura, cas, oficina y supermercado. “Nos no por drenta den e area pa hasi trabou di rescate. E situacion ta hopi grave. Nos por uza tur yuda posibel.” E prome minister Holness a declara e isla manera un area di desastre. Pa motibo di e inundacion y deslizamento di tera, e corriente a cay den gran parti di e pais. Tambe hopi mortonan a perde nan bida pa motibo di e desgracia natural. Medio internacional ta bisa cu tin entre cuater te ocho victimanan mortal.
Mas Region
Lesa Mas
Na St Maarten, Corte a ordena ex-minister paga 92.1 miyon dollar pa sabotage di proyecto
PHILIPSBURG – Tribunal di Prome Instansia a ordena ex-minister di infrastructura y Miembro di Parlamento (MP) Theo Heyliger pa paga US$ 92.1 miyon pa e daño cu el a causa na un compañia di real estate cu tabata diseña pa desaroya un centro di compra y entretenimiento na puerto di crucero mas di un decada pasa.
Mas Region
Lesa Mas
Dañonan enorme y inundacion den Jamaica pa causa di horcan Melissa
KINGSTON - Horcan Melissa a causa “dañonan enorme” riba Jamaica. Asina servicio nacional di manejo di desastrenan ta bisa e CNN na Merca. Scolnan, hospitalnan y otro edificionan a wordo afeca. Tambe barbanan a wordo arranca for di tera y stradanan y casnan ta baha bou di awa. Segun autoridadnan den e pais, no tin ningun reporte nobo di victima. Durante preparacionnan pa e horcan, tres persona ya a perde nan bida. Melissa a yega tera na kuminsamento di atardi como un horcan categoria 5, e categoria mas fuerte. Segun CNN, e tabata bin cu un cantidad grandi di awa y biento cu velocidad di 298 kilometer pa ora. Asta awor e horcan a baha na categoria 4, cu biento rond 230 kilometer pa ora.
Mas Region
Lesa Mas