- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Mike y Gerlien na Hulanda: Aruba kier mas participacion den desicionan di ley di Reino
ORANJESTAD – Aruba kier mas participacion den desicionan di ley di Reino, y asuntonan di Reino, cu ta afecta Aruba directamente. Asina prome minister Mike Eman y minister Gerlien Croes ta bisa den un asina yama ‘position paper’ recien, dirigi den cierto forma na Hulanda, y manda via un carta pa presidente di parlamento di Aruba Marlon Sneek. ‘Aruba ta reconoce den e conseho (di Raad van State: red) cu ta papia di un deficit democratico (entre Aruba y Hulanda)’, e position paper, ta sigui bisa. E position paper ta hopi mas amplio, pero e portal aki a opta pa subraya e parti specifico di deficit demoocratico cu ta un parti di e carta.
MAS ENVOLVIMENTO
Segun e ‘carta’ firma pa ministernan Mike Eman y Gerlien Croes, na nomber gobierno di Aruba, e ta bisa cu ‘Aruba ta reconoce e observacion den e conseho cu tin un deficit democratico’. “Parlamento di Aruba no ta suficientemente involucra den e elaboracion di leynan di Reino cu ta afecta Aruba directamente. E falta aki solamente por wordo coregi cu mas participacion, no solamente teoretico via consultacion, pero den un forma di decision comparti” e carta ta continua bisando. “ Esaki por inclui mas involucracion di e Staten di Aruba den preparacion y tratamiento di leinan di Reino. Consultacionnan fuera di e proceso formal no por ta suficiente, pasobra participacion parlamentario i aprobacion formal ta wordo remplasa pa simple consulta”. Segun gobierno di Aruba, e Statuto ta contempla e ley di Reino como e instrumento formal di legislacion den Reino. Nan ta bisa cu “ aunke e manual ta detaya e procedimiento, regla y modelo pa e formacion di ley (of consenso), Gobierno di Aruba ta nota cu e ley di consenso den practica no ta duna participacion suficiente na Aruba”. “Ademas, e falta di claridad riba condicionnan pa consenso y mecanismo pa retroceso di consenso ta crea un bacio. E falta aki ta genera pregunta riba e voluntariedad y garantia legal di e proceso di consenso mes. Por lo tanto, Aruba ta insisti cu sin un base legal mas fuerte pa e mecanismo di consenso, e situacion actual no ta satisfactorio ni pa Aruba ni pa otro paisnan den Reino” e carta ta continua bisando.
LEY HOFA
E position paper aki ta bin na un momento interesante ora cu tin henter e discusion di e ley di Reino pa supervision financiero, conoci como HOFA. Pa cu e ley aki, tin basta resistencia di oposicion, gremionan sindical y te hasta algun politico di coalicion. E carta aki, firma fin di september ultimo, ta net den e temporada cu tabatin e asina yama internet consultaties pa cu e ley HOFA. No ta conoci si e position paper aki, ta bay afecta e proceso aki. Pa lesa e carta completo, click AKI.
Colaboracion pa aumenta exito di estudio pa studiantenan Caribense ta haya continuacion
KRALENDIJK - Di mas guia ora di scoge estudio, te intercambio di stage y di estudio. E programa ‘Education Alliance’ (SEA) ta un iniciativa importante entre gobiernonan y instansianan di enseñansa di Aruba, Corsou, Sint Maarten y Hulanda. Su meta ta pa haci transicion pa enseñansa superior mas facil y prepara studiantenan miho pa un estudio na Hulanda of otro caminda. Awe a prolonga e programa aki pa aumenta exito den estudio pa studiantenan Caribense te cu 31 di december 2028.
Minister Croes a firma acuerdo na Bonaire pa Vierlanden Overleg Enseñansa y Cultura
KRALENDIJK - Den e asina yama 4 landen overleg di enseñansa y cultura teni na Bonaire, minister Gerlien Croes di Aruba hunto cu ministernan di Corsou, St Maarten y Hulanda, a firmando acuerdo pa continuacion di colaboracion entre nos islanan y Hulanda den Educacion y Cultura.
Gobierno di Aruba a emiti conseho di biahe negativo pa Venezuela y Haiti
ORANJESTAD - Periodicamente gobierno di Aruba conhuntamente cu Ministerio di Asuntonan Exterior di Reino Hulandes ta sigui di cerca e desaroyonan na e paisnan den nos region. E situacion na Venezuela y Haiti ta sigui ta un punto di preocupacion y mientras anteriormente Departamento di Relacionnan Exterior a informa cu e areanan alarmante ta marca cu codigo cora y oranje. Awendia nos ta informa cu full a mapa di tanto Venezuela como Haiti ta marca cu codigo cora. Un region marca cu codigo cora ta significa cu ta desconseha pa biaha pa e area. Den caso cu un persona dicidi di biaha pa e area aki y haya su mes den un problema, embahada Hulandes na e pais lo no por brinda ayudo.
Aruba ta anfitrion di training di nivel halto di sancionnan di UE pa instancianan di gobierno
ORANJESTAD – E seminario ehecutivo titula “EU Sanctions in Practice: Effectiveness, Judicial Review, and Compliance” ta tumando lugar riba dianan 3 y 4 di november 2025. E training aki, organisa pa Dienst Buitenlandse Betrekkingen (DBB) y ehecuta pa European University Institute (EUI), ta trece hunto den un solo lugar, expertonan legal y UE, profesionalnan riba tereno di cumplimento (compliance) pa fortifica e capacidad institucional di Aruba pa mantene su mes na regimennan di sancion internacional.
Segun Eman, Aruba a perde su autonomia financiero cu LAFt y no awor cu ley di HOFA
ORANJESTAD – Ta for di introduccion di e ley di supervision financiero esta e LAFt, Aruba a perde su autonomia financiero y no awor cu e rijkswet HOFA. Asina prome minister Mike Eman a bisa den e programa Noticiacla LIVE diamars anochi.
Eman: Gasto halto no ta pakico no a manda minister plenipotenciario pa Hulanda
ORANJESTAD – E motibo pa cual Gabinete AVP-FUTURO por lo pronto no ta manda un persona Hulanda pa fungi como minister plenipotenciario pa Aruba na Den Haag, no ta debi na gasto. Por lo menos asina prome minister Mike Eman a bisa diamars anochi den e programa Noticiacla LIVE. Esaki siendo cu menos cu un luna pasa, colega minister Gerlien Croes a bisa cu ta netamente esey tabata e motibo, ilustrando cu un tabel di gasto di e puesto, cu ta mas barata pa un minister di Aruba biaha cada bez ora cu mester pa Aruba. Pero, ayera nochi, Eman a conta un otro storia, esta dismitiendo cu esey ta e motibo. E motibo, ainda nan ta evaluando pero pa aworaki no ta manda un persona mas. Siendo cu tabatin un persona aproba caba pa bay. Pa wak e declaracion haci di Eman, click AKI.
Follow NoticiaCla
