Van Marum: Si no ta contento cu HOFA, lo por haci cambio

Posted on 10/31/2025 2:47 pm AST | Updated on 10/31/2025 2:50 pm AST

ORANJESTAD – E lei di reino HOFA ta canando su caminda. Pero, si e pais (den caso Aruba:red) en cuestion no ta contento, e por cambia esaki. Asina e secretario di estado hulandes pa asuntonan di Reino Eddie van Marum a bisa Noticiacla diabierna mainta durante un conferencia di prensa. E espacio tey. Segun van Marum, ta na e gobierno local pa logra haya consensus di Parlamento di Aruba, pa nan por continua cu e proceso. “Eynan mi no tin tarea mas” e mandatario a sigui bisa. “Si dado momento e pais no acepta e ley, e ta wordo bari for di mesa y mester renegocia”.

INTERNET CONSULTATIES

Segun van Marum, durante e proceso di internet consultaties, tur hende por opina, incluso sindicatonan, parlamento y tin tur posibilidad pa esey. “Na final di cuenta, ta wak si tin indicacion pa trece cambio (den e ley), y cu e ta aceptabel pa tur partido, e ora ta bin un version definitivo”.

STOP PROCESO DI E LEY

Mirando cu tin un cambio di gobierno na caminda, por tin un scenario unda cu e gobierno nobo of Tweede Kamer por para tur cos. Van Marum a recorda cu tin un Tweede Kamer nobo cu tin cu sinta proximamente. Si e ora nan dicidi cu ta considera e tratamento di e ley HOFA como controversial, e ora ta para tur cos y ta warda e gobierno nobo sinta. “Tanten, nos ta continua normal cu e proceso manera cu e ta canando aworaki”, van Marum a finalisa bisando.

DISCUSION LOCAL

E pregunta di Noticiacla specificamente tabata, cu mirando cu tin Resistencia di e.o. partidonan di oposicion y hasta sindicatonan, si gobierno Hulandes, RMR, ta tin espacio pa ‘bolter’ henter e ley ‘atrobe’ manera cu a haci cu esun anterior, y cuminsa di nobo. Y si no por bolter e mas, si ta possible pa adapta cierto partinan pa tur partido realmente ta di acuerdo cu ne. Y tambe, si mirando e situacion politico na Hulanda, si no ta miho para e proceso y warda un gobierno hulandes nobo forma. Y e mandatario a contesta tur e preguntanan aki, aunke poco diplomatico, pero si a haci e intento. Pa scucha e parti aki, por click AKI

Ajax a despedi entrenador su John Heitinga despues di mal cuminsamento di temporada
AMSTERDAM – E seleccion di futbol profesional hulandes Ajax a despedi John Heitinga y a pone dje na non-activo inmediatamente. E club ta busca un nobo entrenador principal despues di un mal cuminsamento di temporada. Tambe e contrato di e asistente entrenador Marcel Keizer a wordo termina. AJAX, banda di Feyenoord, ta un di e clubnan mas popular tambe na Aruba y ta hopi sigui.
Mas Hulanda
Lesa Mas
Heera Dijk scohi como vocero nobo pa Relacionnan di Reino pa partido D66
DEN HAAG – E fraccion nobo di D66 a eligi Heera Dijk como vocero pa Relacionnan di Reino. “Un regalo di cumpleaños”, paso awe e ta celebra su 46 aña di edad. Noticiacla recientemente a entrevista Dijk den e edicion special di Noticiacla LIVE.
Mas Hulanda
Lesa Mas
Formacion pa un gabinete nobo hulandes a cuminsa
DEN HAAG - Cu e nombracion di Wouter Koolmees como verkenner, e formacion di un gobierno nobo por oficialmente cuminsa. A keda acorda cu Koolmees lo cuminsa pronto y den un siman mester pone den mapa e opcionnan pa forma un gabinete nobo. Tur partido ta insisti riba un verificacion rapido, pero e deseo di contenido di e partidonan no ta den un mes linea.
Mas Hulanda
Lesa Mas
Wouter Koolmees (D66) ta cuminsa como verkenner den formacion di gabinete nobo di Hulanda
DEN HAAG - Ex-minister, vice-premier y miembro di Tweede Kamer di D66, Wouter Koolmees, ta cuminsa su trabou como verkenner den formacion di gabinete. E tin e tarea pa papia cu tur fraccion di lidernan den Tweede Kamer tocante nan preferencia pa un coalicion. Riba base di e combersanan akinan e mester redacta un conseho tokante e paso siguiente di e formacion.
Mas Hulanda
Lesa Mas
Thom de Graaf ta retira como vice-presidente di Raad van State
DEN HAAG - Thom de Graaf lo retira den ocho luna como vice-presidente di e Conseho di Estado, osea Raad van State. E ta haci esaki principalmente pa motibo personal. “Mi no a haña suficiente tempo pa mi bida personal y otro interesnan aparte di trabou,” e a bisa den un comunicado di prensa. E Conseho di Estado ta e organismo cu ta duna conseho na gobierno y Parlamento. Ademas, e ta e tribunal mas halto administrativo di e pais. Segun Constitucion, e Rey ta e presidente di e Conseho di Estado, pero e vice-presidente ta e persona ku tin e administracion diario bou di su man.
Mas Hulanda
Lesa Mas
Hulanda ta risca perde 9% di e camber pa studiante den dos aña
AMSTERDAM - Hulanda ta risca perde 9% di e camber pa studiante den dos aña. Esaki sigur ta mal noticia pa studiantenan cu ainda ta en busca di cas e aña aki ainda, y esnan cu ta bin den e añanan siguiente. Segun un relato den e portal hulandes NOS, E falta di cas pa studiante ta sigui aumenta pasobra cada bez mas doñonan ta bende e casnan cu nan tabata huur. Specialmente den e ciudadnan grandi, e falta por bira mas grandi ainda. Den un aña mas cu 5000 cas a wordo bende, loke ta corresponde cu mas o menos 10.000 camber pa studiante.
Mas Hulanda
Lesa Mas