ANP: D66 definitivamente e partido mas grandi den eleccion hulandes

DEN HAAG - Segun e servicio di eleccion di e agencia di prensa ANP, D66 a bira e partido mas grandi den eleccion pa Tweede Kamer. Asina mayoria prensa hulandes ta raporta diabierna mainta.  Aunke no tur voto ta conta ainda, e agencia di prensa ta bisa cu e partido di Rob Jetten no por wordo supera mas pa PVV. E agencia ta basa su analisis riba e resultado di municipio. Solamente e municipio di Venray no a anuncia su resultado ainda; esaki lo tuma luga mas laat awe. Tambe e voto di carchi for di pais extranhero tin cu wordo conta ainda. Na cantidad di asiento, D66 y PVV ta igual cu 26 asiento cada un. E diferencia di voto den e ultimo situacion ta 15.155 voto na fabor di D66. Segun ANP, tambe ta posible cu D66 lo haya un asiento adicional (restzetel) y termina cu 27 asiento total.

HUNTO-HUNTO

Ningun eleccion pa Tweede Kamer no ta tin un resultado asina cerca manera aki. Despues di diabierna a bira cla cu tanto D66 como PVV tabata na 26 asiento, cu algun mil voto di diferencia. Mientras mas municipio a publica nan resultado final, e posicion di liderazgo tabata cambia hopi bez. Pa 2’or ora di Hulanda, D66 lider Rob Jetten lo a duna un reaccion na Den Haag, segun ANP. Awor cu su partido ta e mas grandi, e ta e prome cu lo haya e oportunidad pa forma un coalicion. Si Jetten bira premier di e gabinete aki, e lo bira e   minister-presidente mas hoben den historia, cu su 38 aña.