Aruba ta riba lista di 5 lugar pa ‘evita’ como destinacion debi na mucho hype

MIAMI - Caribe ta conoci pa su playanan bunita y cultura bibo, pero no tur lugarnan turistico ta realmente bal  e propaganda. Por lo menos segun e portal newsbytes app. Segun e portal, cierto destino por ta hopi yen, caro y por laga un sentimiento di decepcion. Tin cinco destinacion den e region caribense cu hopi biaha ta considera sobrestima segun biahero experimenta. Osea cu ta solamente un hype. “Si bo evita nan, bo por haña un experencia mas autentico y agradabel den e region bunita aki” e porta ta bisa. E lista ta inclui fuera di Aruba, Nassau Bahamas, St Barts, Punta Cana na Republica Dominicano, y Montego Bay Jamaica. 

 TRAMPANAN TURISTICO DEN ARUBA

Segun e portal, aunke Aruba ta famoso pa su playanan espectacular y actividadnan dibertido, algun parti di e isla a bira trampanan pa turista. Lugarnan popular ta hopi yena cu turista, loke ta subi e prijs di tur cos – for di bebida te na excursion. “ Pa evita esaki, trata pa bishita playanan menos conoci o bay na mercado local caminda bo por cumpra souvenir autentico sin paga e precio turistico”.