Cantante hulandes Marco Borsato tokante peticion di castigo den su caso : ‘Mi a spanta hopi’

UTRECHT – Marco Borsato a bisa cu el a “spanta hopi” despues di tende e peticion di castigo den e caso di husticia contra dje. Diamars, Ministerio Publico a pidi cinco luna di prizon pa e cantante, cu ta sospecha di violacion sexual cu un mucha di 15 aña. Rodea di ekiponan di camara, Borsato a bisa cu el ta “yen di emociondi no por kere” tocante e peticion. “Mi ta sinti e caso aki hopi emocional, pa tur partidonan,” e la bisa tambe, sin duna mas detaye tocante e contenido di e caso. Awe ta sigui e sesion sustantivo di e caso di zeden. E dia ta dedica na e pleito di e abogado di Borsato. E cantante mes tambe lo papia den sala di husticia. Borsato a agrega cu su famia no ta presente den e sesion, pero nan ta tras di dje. “Mi famia ta hopi amoroso, nan ta hunto y ta duna mi sosten. Nan ta conoci mi,” el a bisa.