Primicia mericano pa American Airlines cu Airbus A321XLR

HAMBURG - American Airlines a transporta e siman aki su prome Airbus A321XLR for di e aeropuerto di fabricacion na Hamburg pa su base principal den Dallas. E aerolinea mericano ta e prome den Merca cu ta haci uso di e version Extra Long Range (XLR) di e A321neo.  

E A321XLR ta permiti American Airlines pa hasi biahan largo cu un avion relativamente chikito, cu tin capacidad pa 155 pasahero.  

American a dividi e asiento den e A321XLR den tres cabina:  

– Den Economy, por sinta 123 pasahero.  

– Den Premium Economy, 12 persona ta disfruta di mas comodidad.  

– Y den Business Class, 20 pasahero ta gusta di e mas lujo.  

Den Business Class tin e yamado Flagship Suites, caminda pasahero por yega tende completamente y tin hopi privacidad.  

E prome vuelo di e Airbus A321XLR di American lo sali 18 di december for di New York pa Los Angeles.