Varadero Release Masters Billfish Tournament ta cuminsa awe

(ADVERTORIAL)

Release Masters Billfish Tournament ta tuma luga na Varadero Marina e fin di siman aki, di 17 pa 19 di Oktober. Un evento cu ta uni piscadornan, famia y amantenan di pesca pa celebra nos cultura y e pasion pa pesca.

E edicion aki ta dedica na Bryon Richardson, un hoben cu stima pesca y un gran amigo di tur hende, cu nos a perde na Januari di e aña aki. E torneo ta dedica tambe na e equipo di Team Energy, cu a sali pa bai pisca dia 12 di Juli y cu lastimamente no a bolbe bek. Abordo tabatin 4 hoben: Marcelo Heyden, Jarred Croes, Davey Croes y Aischell Tromp. Un equipo cu hopi pasion pa e deporte di pesca cu nunca tabata faya un torneo.

Maske tabata un aña dificil, nos a opta pa sigui cu e torneo den nan honor, como un celebracion di nan amor pa laman.

Durante e evento lo tin un caha di donacion disponibel, pa duna un man na e yiu nan di Marcelo y Jarred.

Nos ta invitá tur hende pa pasa Varadero Marina y experiencia e mundo di e deporte di pesca local, y duna sosten na nos comunidad