Kico ta haci un pasaporte “poderoso”? Hulanda ta den top 5, Merca ta sali di top 10

WASHINGTON - Un medida cla ta e nivel di posibilidad pa biaha — e capacidad pa pasa sin obstaculo na destino riba mundo mustrando simplemente bo pasaporte, sin nesesidat di visa. E Henley Passport Index ta un di e rankingnan cu ta midi e potencia di paspoortnan den e sentido aki, y pa e prome bez den su 20 aña di historia, e pasaporte di Merca a sali for di su top 10 lista completamente.

Tres pais asiatico ta domina e ranking awor: Singapore, cu acceso sin visa na 193 destino mundial; Sur Corea, cu acceso na 190; y Japon, cu 189. Mientrastanto, Merca ta cay na e 12 luga den e ranking trimestral mas resiente, iguala cu Malasia. Ciudadanonan di e dos paisnan aki ta goza di acceso sin visa na 180 di e 227 pais y territorio cu e indice ta sigui. E ranking a ser crea pa e empresa di asesoramento di ciudadania y residencia global basa na Londres, Henley & Partners, y ta usa data esclusivo di e Asociacion Internacional di Transporte Aereo (IATA). Y pasobra Henley ta conta paisnan cu mesun puntuacion como un solo posicion den su lista, na realidat tin 36 pais cu ta supera Merca den e ranking.

E pasaportenan mas poderoso pa 2025:

1. Singapore – 193 destino

2. Sur Corea – 190

3. Japon – 189

4. Alemania, Italia, Luxemburgo, Spaña, Suiza – 188

5. Austria, Belgica, Dinamarca, Finlandia, Francia, Irlanda, Hulanda – 187

6. Grecia, Hungria, Nueva Zelandia, Noruega, Portugal, Suecia – 186

7. Australia, Republica Checa, Malta, Polonia – 185

8. Croacia, Estonia, Slovaquia, Eslovenia, Emiratonan Arabe Uni, Reino Uni – 184

9. Canada – 183

10. Letonia, Liechtenstein – 182

11. Islandia, Lituania – 181

12. Merca, Malasia – 180