Hamas a libera tur rehen israeli cu tabata bibo; e prome bus cu palestinonan ya a sali pa Gaza

GAZA / TEL AVIV – Hamas a libera un di dos grupo di rehen israeli. Diestres rehen cu ainda tabata biba a ser entrega na Cruz Cora. E ehercito di Israel a confirma esaki oficialmente.

Cu e liberacion, tur e binti rehen cu tabata bibo a wordo libera, y despues nan lo reuni cu nan famia. Mas tempran  awe mainta, siete otro rehen ya tabata wordo entrega.

Casi dos mil palestinonan cu tabata deteni despues di 7 di oktober 2023 pa Israel, tambe a subi den busnan y ta riba caminda pa libertad. E prome busnan a sali for di prizon Ofer, riba banda oeste ocupa di Jordaanan.

E PROME LIBERACION

Mainta rond di 7 or, e prome siete rehen israeli den norte di Gaza a wordo libera pa Hamas. Prome cu nan liberacion, nan a hana permiso pa tene contacto cu nan famia den Israel. E siete prome rehennan awor ya ta bek den Israel.

E momento mes di liberacion di e rehennan a tuma luga fuera di vista di camaranan. Pero despues imagen a sali mustrando e momento cu Cruz Cora sali. Na ‘Plaza di Rehennan’ den Tel Aviv tabata tin alegria grandi ora e noticia di liberacion a bira oficial. No ta conoci claramente con ta c e situacion di salud di e rehennan