Un Oranje dominante ta vence Finlandia, ta traha riba saldo di gol y ta cerca di clasificacion pa Mundial

AMSTERDAM – E seleccion di Hulanda a tuma un otro gran paso pa clasificacion directo pa e Mundial di futbol di 2026. Den Johan Cruijff Arena, Oranje a demonstra su superioridad cu un victoria di 4-0 contra Finlandia. No solamente e resultado tabata bon, pero e manera di hunga tabata agradabel pa wak tambe.

Cu 16 punto for di seis partidonan, Oranje ta lider comodo den Grupo G. Polonia, cu ta na di dos lugar, a gana mas laat awe anochi cu score di 2-0 contra Lituania y tin 13 punto. Diabierna 14 di november, Polonia lo ta e siguiente contrincante den Varsovia, y den e partido Hulanda por asegura oficialmente su luga den e Mundial.