Corte a suspende e retiro di e comisarionan di e companianan di utilidad

ORANJESTAD – Un grupo di 15 comisario retira di companianan di utilidad di Aruba diabierna, a gana nan caso den corte contra e respectivo companianan pa cual nan tabata comisario. Ta trata di comisarionan di e.o. WEB, ELMAR, AWSS, ARE, y UTILITIES. Segun corte, e.o. a mustra cu cambio di gerencia na e.o. Utilities, no ta suficiente motibo pa retira e comisarionan. Y tampoco cambio di signatura di gobierno. Y ademas, e ta mustra un paso mas bien politico. Pa un retiro tuma lugar, mester tin motibonan mas fuerte. Algo cu den e caso aki no a sosode. 

E CASO

E comisarionan a haya nan retiro dia 8 di juli ultimo, y a pidi huez pa revoca e decision ey, y para esaki te ora cu den un bodemprocedure, e caso wordo trata miho. Por lesa e sentencia completo AKI.