Corte a sentencia ex chauffeur di ex prome minister na 10 aña di prizon

ORANJESTAD – Corte a sentencia Sigrid ‘Siki’ Koolman, na 10 aña di prizon. Un castigo cu ministerio publico a pidi tambe y cu huez a bay di acuerdo cu ne.  Tambe a bay di acuerdo cu e compensacion di daño pa ambos victima. E noticia ta den proceso. 

E CASO 

Tabata diabierna 19 di september cu Fiscal vd Biezen   a exigi 10 aña di castigo di prizon pa e sospechoso  ., conoci como e ex chauffeur di ex prome minister Wever-Croes pa a e.o. viola 2 menor di edad pa 8 aña largo. Ademas a presenta 8 acusacion den su contra, for di violacion sexual di dos menor di edad, posesion illegal di arma, y tambe pornografia infantil. Durante casi 6 ora, huez a trata e caso aki, y na final a cera e caso, indicando cu awe 10 di October pa cuarto pasa di 8 di mainta, e lo a dicta sentencia. Na Noticiacla, e fiscal a splica despues cu e 10 añanan ta incondicional, ya cu no tin castigo incondicional si e castigo ta mas di 4 aña. E castigo ta wordo reduci si cu e tempo cu e la sinta den pre aresto.