Wilders ausente temporalmente na debat di Radio NOS debi na menasa

Posted on 10/10/2025 9:23 am AST | Updated on 10/10/2025 9:24 am AST

AMSTERDAM - PVV-lider Geert Wilders aparentemente tabata un di e posible blanco di e cel di terror belga cu a wordo desmantela ayera. Esaki ta wordo reporta pa un periodista di canal comercial belga VTM Noticia. Na Hulanda, e NCTV no ta duna ningun comentario riba e caso, pero Wilders pa awor no ta partisipando den e debat di NOS riba NPO Radio 1 cu tabata programa pa awor di atardi. El a bisa riba X cu ta wordo investiga si e noticianan di VTM ta correcto. “Te ora mi sa esaki, mi no ta bai ningun caminda,” el a comenta.

Wilders supuestamente tabata na un lista hunto cu premier belga Bart De Wever y alcalde di Antwerpen Els van Doesburg, cu e sospechonan deteni pa un intento di ataca terrorista frustra.

Polis y justicia den Belgica a anuncia ayera cu nan a detene tres hoven for di Antwerpen, sospecha di un intento di asesina terrorista. Tin señal cu nan tabata planea un ataca terrorista inspira riba ideologia jihadista contra politico.

Segun medio belga, e tres tin 18, 23 y 24 aña y supuestamente tabata planea usa un dron pa hasi un ataca, cu un explosivo pega na dje. Dos di nan ta para awe dilanti di juez investigador, mientras cu e tercero a wordo libera falta di prueba.

Ajax a despedi entrenador su John Heitinga despues di mal cuminsamento di temporada
AMSTERDAM – E seleccion di futbol profesional hulandes Ajax a despedi John Heitinga y a pone dje na non-activo inmediatamente. E club ta busca un nobo entrenador principal despues di un mal cuminsamento di temporada. Tambe e contrato di e asistente entrenador Marcel Keizer a wordo termina. AJAX, banda di Feyenoord, ta un di e clubnan mas popular tambe na Aruba y ta hopi sigui.
Mas Hulanda
Lesa Mas
Heera Dijk scohi como vocero nobo pa Relacionnan di Reino pa partido D66
DEN HAAG – E fraccion nobo di D66 a eligi Heera Dijk como vocero pa Relacionnan di Reino. “Un regalo di cumpleaños”, paso awe e ta celebra su 46 aña di edad. Noticiacla recientemente a entrevista Dijk den e edicion special di Noticiacla LIVE.
Mas Hulanda
Lesa Mas
Formacion pa un gabinete nobo hulandes a cuminsa
DEN HAAG - Cu e nombracion di Wouter Koolmees como verkenner, e formacion di un gobierno nobo por oficialmente cuminsa. A keda acorda cu Koolmees lo cuminsa pronto y den un siman mester pone den mapa e opcionnan pa forma un gabinete nobo. Tur partido ta insisti riba un verificacion rapido, pero e deseo di contenido di e partidonan no ta den un mes linea.
Mas Hulanda
Lesa Mas
Wouter Koolmees (D66) ta cuminsa como verkenner den formacion di gabinete nobo di Hulanda
DEN HAAG - Ex-minister, vice-premier y miembro di Tweede Kamer di D66, Wouter Koolmees, ta cuminsa su trabou como verkenner den formacion di gabinete. E tin e tarea pa papia cu tur fraccion di lidernan den Tweede Kamer tocante nan preferencia pa un coalicion. Riba base di e combersanan akinan e mester redacta un conseho tokante e paso siguiente di e formacion.
Mas Hulanda
Lesa Mas
Thom de Graaf ta retira como vice-presidente di Raad van State
DEN HAAG - Thom de Graaf lo retira den ocho luna como vice-presidente di e Conseho di Estado, osea Raad van State. E ta haci esaki principalmente pa motibo personal. “Mi no a haña suficiente tempo pa mi bida personal y otro interesnan aparte di trabou,” e a bisa den un comunicado di prensa. E Conseho di Estado ta e organismo cu ta duna conseho na gobierno y Parlamento. Ademas, e ta e tribunal mas halto administrativo di e pais. Segun Constitucion, e Rey ta e presidente di e Conseho di Estado, pero e vice-presidente ta e persona ku tin e administracion diario bou di su man.
Mas Hulanda
Lesa Mas
Hulanda ta risca perde 9% di e camber pa studiante den dos aña
AMSTERDAM - Hulanda ta risca perde 9% di e camber pa studiante den dos aña. Esaki sigur ta mal noticia pa studiantenan cu ainda ta en busca di cas e aña aki ainda, y esnan cu ta bin den e añanan siguiente. Segun un relato den e portal hulandes NOS, E falta di cas pa studiante ta sigui aumenta pasobra cada bez mas doñonan ta bende e casnan cu nan tabata huur. Specialmente den e ciudadnan grandi, e falta por bira mas grandi ainda. Den un aña mas cu 5000 cas a wordo bende, loke ta corresponde cu mas o menos 10.000 camber pa studiante.
Mas Hulanda
Lesa Mas