Peilingwijzer: PVV ta claramente e partido mas grandi na Hulanda, D66 y JA21 cu un aumento chikito

DEN HAAG - Tres siman prome di eleccion, no tin hopi movimiento den Peilingwijzer entre e partido grandi nan. PVV ta logra mantene su posicion den e promedio pesa di e encuesta di Ipsos, I&O y Verian/EenVandaag, cu ta duna nan entre 31 te 35 asiento.

Aunke esaki ta mas o menos cuater asiento menos cu awor den Tweede Kamer, e cantidad ta suficiente pa keda claramente dilanti di CDA (22-26 asiento) y GroenLinks-PvdA (21-25 asiento). Pa CDA, esaki lo representa un gana di mas o menos 19 asiento compara cu e eleccion di dos aña pasa.

Mas patras den lista ta VVD, cu den e luna pasa no a baha hopi mas, pero tampoco no a logra pasa di 12 te 16 asiento.

Cu esaki, e partido di su lider di lista Dilan Yesilgoz a yega na mes nivel cu D66, un di e poco partido cu a mustra progreso durante e luna pasa, subiendo te na 12 te 15 asiento.