Aruba y Corsou ta representa den reunionan di PAHO y WHO na Merca

WASHINGTON - Minister di Salubridad drs. Melvin Wyatt-Ras y minister di Salud di Corsou Javier Silvania ta representando Aruba y Corsou na 62nd Directing Council di PAHO y 77th Session di WHO Regional Committee for the Americas, cual ta tuma lugar di 29 september te 3 october 2025 na Washington D.C. PAHO ta un partner clave pa Aruba, cu ta duna sosten fundamental na programanan cu ta fortalece nos sistema di salubridad publico. Un ehempel ta e WHO STEPwise approach to NCD risk factor surveillance (STEPS) – un metodo standarisa pa colecciona y analisa dato riba factor di riesgo manera uzo di tabaco, consumo di alcohol, inactividad fisico, dieta no saludabel, obesidad, hipertension y otro indicadornan biologico. STEPS ta duna informacion valioso pa Aruba pa monitoria tendencianan na nos pais y compara nos resultado cu otro paisnan den region.

Riba e foro internacional, ta wordo trata temanan esencial, entre otro:

• Acceso igual na cuido 

• Sostenibilidad di sistema di salubridad

• Bienestar social y proteccion di adulto mayor

• Fortalecemento di colaboracion regional pa un futuro mas fuerte