Conseho pa Hoge Raad: Condena di ex parlamentario Richardson ta keda vigente

PHILIPSBURG – Ex miembro di Staten di Sint Maarten Frans Richardson ta keda condena pa corrupcion di ofisial y conflicto di interes. Esaki ta e conseho di aboga-general na Hoge Raad den un conclucion cu a wordo publica dia marsa.

Richardson, fundador y lider di United Sint Maarten Party (USP), a ricibi mas prome un castigo di prison di dieznuebe luna y un prohibicion di cinco aña pa vota.

SOBORNO

E Hof di Husticia Komun a determina cu entre 2013 y 2018 Richardson a ricibi soborno den relacion cu compra y renovacion di un edificion pa Bureau Telecommunicacion y Post (BTP).

Ademas, el a haya beneficion financiero via su participacion indirecto den un empresa cu tabatin un contrato cu BTP, mientras cu como Miembro di Staten e tabata tene supervision riba e area aki.

ARGUMENTONAN

Den casacion Richardson a alega cu e prueba pa corrupcion y e duracion di prohibicion pa vota no tabata cla. El a bisa tambe cu el no tabatin ningun rol di direccion of supervision riba e contrato. Pero Abogado-General a rechaza esey y ta considera cu e veredicto di e hof ta corecto juridicamente y suficiente motiva.

E spera cu Hoge Raad lo duna su veredicto mas tarde e aña aki. Generalmente e mas haltu juez ta sigui e conseho di Abogado-General. Potret di Daily Herald St Maarten.