Tormenta Tropical Gabrielle a forma riba Atlantico Tropical Central

MIAMI – Tormenta Tropical Gabrielle a forma riba Atlantico Tropical Central diaranson mainta. E pronostico ta cu e ta keda riba laman pa varios dia.

UBICACION

Pa 11:00 AM AST (15:00 UTC), centro di Tormenta Tropical Gabrielle cu ta relativamente indefini, tabata cerca di latitud 17.5 Norte y longitud 46.6 Oeste. Gabrielle ta moviendo na direccion norte-noroeste na aproximadamente 22 mph (35 km/h). Un movecion irregular na noroeste te oeste-noroeste cu un velocidad   reduci ta wordo spera durante e proximo dia den Atlantico tropical y subtropical central.

BIENTO

Dato di satelite ta indica cu biento maximo sostene ta rond 45 mph (75 km/h) cu rafaga mas halto. No ta spera hopi cambio den fortalesa durante e proximo 48 ora, pero ta pronostica algun intensificacion gradual riba fin di siman. Bientonan cu forza di tormenta tropical ta extende te 175 milla (280 km) for di centro, principal den semicirculo este di e tormenta. Presion central minimo estimá ta 1006 mb (29.71 inches).

LOCALIDAD 

Localidad: 17.5N 46.6W

Cerca di: 1085 milla...1745 KM na este di islanan Leeward Norte

Biento maximo sostené: 45 MPH...75 KM/H

Movecion actual: NNW of 330 grado na 22 MPH...35 KM/H

Presion central minimo: 1006 MB...29.71 inches

ALERTA Y AVISO

No tin ningun alerta costero ni aviso vigente.