FIA: Comienso di careda inverti den sprint race di Formula 1 mester trece mas spectaculo

LONDON - Max Verstappen cu ta sali for di ultimo lugar despues di logra e tempo mas lihe den kwalificacion? E por zona raro, pero ta posible cu nos lo mira esaki den algun aña. Formula 1 ta investiga e posibilidadnan pa usa un startlist inverti den sprint race.

Tin varios opcion pa aplica esaki. Por ta cu henter resultado di kwalificacion ta wordo inverti, cu e ultimo ta sali prome. Pero den otro categoria di carrera, esaki ta wordo aplica solamente riba un parti di e camponan. Den Formula 2 e ta top diez, den F1 Academy e ta top ocho, y den Formula 3 e ta top doce cu ta sali den un orden inverti pa sprint race. Idea tras di un startlist inverti ta cu tin mas oportunidad pa pasa auto, pasobra e pilotonan mihor cu auto mas rapido mester subi for di tras di veld. Esaki ta spera cu lo trece mas spektaculo den carrera.