Aruba su musico Robert JeanD'or a bay sosega

ORANJESTAD – Diaranson mainta Aruba a lanta cu e tristo noticia cu e gran musico di Aruba, Robert Jean’Dor a bay sosega na edad di 71 aña.  Robert tabata parti di un famia di 11 ruman, y a crece den e bario di Madiki. E ta laga atras su casa Vivian, su dos yiunan Robert y Anoushka. 

CARERA

Robert a inicia su carera musical cu e grupo di Aguinaldo ‘Las Blancas Palomitas’. A sigui y den añanan 70 a bira bahista principal cu Los Juveniles. Cu e banda aki e la bira Rey di Tumba tres biaha, na 1976, 77 y 1978. Un di e tumbanan ganador, E bolobonchi a hala atencion di musico internacional Johnny Ventura. E la toca cu bandanan grandi manera El Gran Combo, La Dimension Latina, y finalmente Los Hijos Del Rey. Na 1985 e ta forma su propio orkesta Robrt y Su Orkesta. Y na 1990 e la forma Robert y su Solo Banda Show. Noticiacla ta manda palabra di profundo pesame na famia di Robert. Cu amigo Robert sosega na paz.