- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
VNO (representacion di Hulanda) a organiza dia special pa mas di 180 studiante riba Prinsjesdag
ORANJESTAD - Di tres di diadomingo di september, conoce tradicionalmente na Hulanda como Prinsjesdag, a haya hopi atencion tambe na Aruba e aña aki. Representacion di Hulanda na Aruba (VNO) a organiza un actividad Prinsjesdag spesial pa mas di 180 studiante di Colegio Arubano y Colegio Nigel Matthew. E evento a tuma lugar na Paseo Herencia, e locacion temporario di Cas di Cultura.
Mientras cu Su Majestad Rei Willem-Alexander tabata lesa e troonrede den Koninklijke Schouwburg na Den Haag, studiante Arubano a participa den un dia interactivo riba e significado di Prinsjesdag na Hulanda y su relevancia pa e paisnan den Reino, y especialmente pa Pais Aruba.
E dia a cuminsa cu un presentacion di Vincent Storimans, Substituto di Representante di Hulanda na Aruba, riba e troonrede, e Miljoenennota y e Presupuesto di Reino.
Ex-Gobernador di Aruba, Fredis Refunjol, a duna un presentacion tocante e presupuesto y e Staatsregeling di Aruba, pa asina e studiante por haya un mihor comprension di e estructura politico di Pais Aruba y di e papel di Parlamento den proceso di presupuesto.
E studiante di Colegio Arubano a tuma parti den un debate den grupo tocante tema social y politico actual. Nan a defende diferente punto di bista den grupo y nan a haya e chens pa gana medio punto pa e materia di Staatsinrichting. Fredis Refunjol, Vincent Storimans y Matthijs van Beusekom (senior beleidsmedewerker di VNO) tabata miembro di jury durante e debate.
Representacion di Hulanda na Aruba ta sumamente orgulloso cu e manera entusiasma cu tur studiante a participa!
Minister Wyatt-Ras di Salud y Asuntonan Social ta den Noticiacla LIVE awe
Aeropuerto a pone ultimatum: Lo confisca autonan bandona si no reclama na tempo
Fondo Hulandes ta mira gran potencial pa restauracion di patrimonio na Aruba
ORANJESTAD - Nationaal Restauratiefonds (NRF), un fondo financiero di Hulanda, ta ofrece prestamo cu interes abao pa yuda restaura y mantene monumentonan historico. Durante un reunion cu Prome Minister Mike Eman, e director Uğur Özcan a destaca cu Aruba tin hopi potencial pa preservacion di su herencia cultural, combinando identidad cu oportunidad economico y empleo.
Hobencito Alex Flores a bolbe Aruba despues di lucha fuerte contra su salud
ORANJESTAD - Famia y amigonan a reuni na aeropuerto pa ricibi e hobencito Alexander Flores, cu a regresa for di Colombia despues di un luna y dos siman.Manera por a corda, e ta e hobencito cu a keda ‘bandona’ den un auto pa algun ora na Aruba, creando un situacion di salud peligroso. Mientrastanto su yegada a conmociona tur hende, ora cu e mes a sali canando for di “arrival hall” cu un sonrisa, algo cu hopi no tabata spera.
Iglesia Adventista na Aruba ta reconoci como un Monumento Nacional
ANALISIS : E crisis automobilistico riba caminda na Aruba
Follow NoticiaCla
