Ariana Grande, Lady Gaga y Sabrina Carpenter ta gana grandi na VMAs

NEW YORK - Na e gala anual di MTV Video Music Awards (VMAs) na New York, cantante pop Ariana Grande a sali como e gran ganador. Cu su clip Brighter Days Ahead e a gana e premio prestigioso pa video musical di aña. Lady Gaga y Sabrina Carpenter tambe a ricibi premionan importante. Den su palabra Ariana a bisa cu "arte ta un espacio sigur pa e expresa su mes". E a expresa su agradecimiento despues di ricibi e premio mas importante di e evento. E a ricibi e premio hunto cu director di e clip, Christian Breslauer.

Lady Gaga, cu tin 39 ana, a wordo nombra artista di ana. Asina e yega den e lista di nombrenan grandi manera Taylor Swift y Beyonce, cu a ricibi e mesun titulo den ananan pasa.

Swift y Beyonce tin c/u 30 VMAs na nan nomber. Tabata emocionante pa mira si un di nan lo tuma e liderazgo. Pero awor cu Gaga a gana e titulo, e dos ta keda empate.

Lady Gaga tambe a ricibi un premino pa e mihor duet. Hunto cu Bruno Mars e a hasi e number Die With A Smile.