Exportacionnan di petroleo di Venezuela a logra su nivel mas halto den nuebe luna

CARACAS - E exportacionnan di petroleo di Venezuela a pasa den augustus e cifra di 900.000 baril pa dia, e nivel mas halto desde november, danki na e regreso di Chevron na mercado mericano despues cu a ricibi un licencia restringi di Departamento di Tesoro di Merca. E autorizacion a duna e compania petrolero mericano permiso pa reanuda operacionnan y exportacionnan den e pais, loke a resulta den un aumento di 27% na comparacion cu juli, segun dato segun reporta pa Reuters.

CHINA, DESTINO PRINSIPAL DI EXPORTACIONNAN PETROLERO

E subida ta tambe pasobra tin mas despacho pa China, e comprador prinsipal di crudo venezolano, cu a absorba 85% di e flujo, un tiki abou di 95% registra den juli. Cerca di 60.000 baril pa dia (bpd) a wordo manda pa Merca  y 29.000 bpd pa Cuba, mientras cu hopi cargamento di metanol tabata pa destino Europa.

PRODUCCION ESTABLE A SOSTENE AUMENTO

E aumento di inventarionan y exportacionnan petrolero tabata respalda pa un produccion estable y ausencia di interrupcionnan den e mejoradornan di crudo y planta di mescla den Faja Petrolifera di Orinoco, e region principal di produccion di e pais, segun un documento interno di PDVSA. Ademas, exportacionnan di derivadonan y petroquimiconan a yega 275.000 tonelada metric, e cifra mas haltu desde mei.

IMPORTACION DI CRUDO LIGERO Y NAFTA

Pa sostene e envio di petroleo extrapesa, Venezuela a aumenta su importacion di crudo ligero y nafta, necesario pa mescla y exporta. E compranan for di afó a yega 99.000 bpd den augustus, contra 58.000 bpd den juli.