- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Na october, e-Aruba Business Seminar ta bek pa inspira y innova e publico
ORANJESTAD – Den un mundo di constante movecion digital, eventonan cu ta uni lidernan innovado y profesional pa inspira y comparti conocemento ta bira cada bes mas esencial. E-Aruba Business Seminar 2025, ta bolbe dia 4 di october den e elegante Renaissance Convention Center, y ta lanta e standardnan mas halto pa desaroyo empresarial riba nos isla y na nivel Caribense.
E-Aruba Business Seminar no ta solamente un charla mas, sino un movecion pa empodera talento local, pa inspira bista nobo riba marketing digital, inteligencia artificial, e poder di social media y e gran posibilidadnan di e-commerce. Esaki ta e tipo di evento cu por cambia e rumbo di un idea, un empresa, of e bida completo mes.
Pa e edicion aki, e tema central ta "Break Limits. Build Legacy," un mensahe cla: bo no tin cu keda den e areanan tradicional. Cu oradonan di contenido relevante, keda inspira pa con bo por laga bo propio impacto den bo comunidad y riba escala mundial. Aruba lo haya e oportunidad di scucha expertonan mundial manera James Villarrubia di NASA, cu ta lider di innovacion digital y inteligencia artificial, y su presencia ta un gran orguyo pa nos isla. Hunto cu ne, lo tin presentacion di otronan manera Gustavo Miller (ex RedBull & Shopify Brasil), Tyrona Heath (LinkedIn USA), Jacob Brown (ex-NFL), y di Aruba mes Diederik Kemmerling (The Lab) y Mark Benson Denz (Infinity Media & 24ora.com), entre otro tambe algun invitado local mas cu lo anuncia pronto.
E seminario ta forma parti di un ruta regional: e-Curaçao ta tuma luga dia 27 di september, e-Aruba dia 4 di october, y lo culmina cu e-Sint Maarten dia 1 di november. E idea pa unifica esnan den un luna pa trece un movemento regional na fabor di desaroyo digital, formando nos mes pa e demanda global. E vision visual pa e evento ta sigui un tema futuristico cu raket y universo, simbolisando "sky is the limit". Esaki no ta un casualidad: Aruba ta un di e poco islanan cu ta haya un presentado directamente di NASA, reforsando e impacto y ambicion di e seminario.
Seminarionan manera e-Aruba ta crea e espacio necesario pa networking, formacion, y mas importante: pa motiva un generacion nobo di profesional cu ta kere den progreso, pero tambe den legado. Bo por haya bo ticket na www.ebusinessevents.com, of na Superfood Aruba. E entrada general ta $75 y student ticket ta solamente $33 cu ID. Ta inclui traduccion via app pa esnan cu ke sigui den idioma preferi manera Spano , Hulandes of otro.
Bo ta invita pa forma parti di esaki. Pa inspiracion, pa conexion, pa posibilidad. Nos no ta limita pa frontera, ni pa isla — e-Aruba Business Seminar ta prepara bo pa un futuro sin limite.
Awe gana 150 mil florin cu Roll Down di Lotto di Dia
Balor di reserva di oro di Aruba casi a duplica pa motibo di subida di prijs di oro
ORANJESTAD – E balor di reserva di oro di Centrale Bank di Aruba a subi fuertemente den poco tempo. Esaki ta sali na cla for di e estadisticanan mas reciente di e banco central, unda balor di oro den reserva stranhero a subi di 520 miyon florin na 2024, pa 858 miyon florin na 2025 y casi 992 miyon florin na januari di e aña aki.
AFTA: Den 2026 lo controla e.o industria di auto y transporte di container
ORANJESTAD - Aruba Fair Trade Authority (AFTA) a presenta su agenda pa 2026. E aña aki ta marca e comienso di supervision riba proteccion di consumidor cual AFTA ta encarga cu ne. Riba 15 di maart, Dia Mundial di Consumidor, e ley nobo di supervision ta drenta na vigor. For di e fecha aki AFTA lo actua ora derechonan collectivo di consumidornan ta wordo viola. Riba 14 di maart AFTA ta organisa un Car Rally unda participantenan ta wordo encurasha di un forma competitivo y dibertido pa siña mas tocante nan derechonan como consumidor.
KLM ainda lo sigui bula cu Airbus riba Aruba pa awor
ORANJESTAD – KLM pa awor ainda no ta bay cambia su flota riba e ruta pa Aruba. Noticianan cu a circula den medio local na Aruba y Corsou no ta correcto segun gerente regional di KLM, Dirk Buitelaar.
Prijs di gasoline ta subi considerablemente diaranson
ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di maart 2026:
CBA: Arubianonan riba 45 aña ta mas vulnerable pa fraude digital
ORANJESTAD – Fraude cu pago digital ainda ta sosode relativamente poco na Aruba, pero ora cu e pasa, hopi biaha e ta afecta principalmente hende di edad mas halto y consumidornan di edad medio. Ademas, un parti considerable di victiman no ta haya nan placa bek for di banco. Esaki ta sali na cla for di un reporte nobo di Banco Central di Aruba (CBA) di engaño y fraude den pago digital. E investigacion ta basa riba un encuesta di 2024 di experencia di consumidornan cu fraude den pago digital. For di e resultado ta mustra cu casi 88 porciento di e participantenan den e ultimo diesdos luna no a experencia fraude, mientras cu poco mas cu diesdos porciento si a haya cu un intento of un incidente real di fraude. Cu esey, e dimension di fraude digital na Aruba pa awor ta relativamente limita, aunke banco central ta adverti cu digitalisacion di pago tambe ta trece riesgo nobo.
Follow NoticiaCla
