Trump ta bisa cu Merca a ataca un boto cu droga cu a sali for di Venezuela

WASHINGTON (AP) — Presidente Donald Trump a bisa diamars cu Merca a hasi un atake den sur di Caribe contra un boto cu ta transporta droga cu a sali for di Venezuela. E presidente no a duna hopi detaye riba e operacion. “Ora bo sali for camber, bo lo mira cu nos, literalmente den e ultimo momento, a tira riba un boto — un boto cu droga,” Trump a bisa  reporteronan durante un evento no relaciona den Oficina Oval. E a agrega cu tabatin “hopi droga” riba e boto.

Secretario di Estado Marco Rubio a bisa riba X cu e boto tabata opera pa un “organisacion di narco-terorista designa.” E a bisa cu e operacion tabata un atake letal. Merca a anuncia recientemente plan pa fortalece su forsa maritimo den awa rond Venezuela pa combati e amenasa di cartel di droga den America Latino.

Merca no a duna nificacion di ningun plan pa un incursio na tera cu e miles di personal cu ta wordo desplega. Aun asina, gobierno di presidente Nicolas Maduro a responde desplegando tropa rond e costa di Venezuela y na frontera cu Colombia, y a pidi tambe pa Venezolanonan uni den un milicia civil.

Maduro a insisti cu Merca ta traha un narrativa falso di trafico di droga pa bisa trata di kita e for su oficina. E y otro oficialnan di gobierno a referi hopi biaha na un report di Naciones Unidas cu, segun nan, ta mustra cu traficanten ta purba move solamente 5% di cocaina produci den Colombia via Venezuela. Bolivia y Colombia, cu acceso na Pacifico y Caribe, ta e productor mas grandi di cocaina den mundu.

E oficina di prensa di gobierno di Venezuela no a responde di inmediato na un peticion di comentario riba e anuncio di Trump.

Pentagon no a duna ningun comentario inmediato riba e incidente reporta.