Trahadornan di Arubus a bay den accion dialuna mainta

ORANJESTAD - Trahadornan di e compania estatal Arubus NV un biaha mas ta bai den accion di protesta. Secretario general di SEPPA, Magaly Brito a confirma esaki dialuna mainta pa Noticiacla. E motibo di e accion ta cu ainda no por keda cla cu e structura salarial.  “Aña pasa a yega na un paso dilanti for di momento cu e Minister e tempo ey a informa Seppa cu  e ta bai di acuerdo cu e proposicionnan cu tin riba mesa y bai Parlamento pa pone e placa disponibel pa por paga e trahadornan un suma pa motibo di ta alarga e Cao pa 2025 y yega na un acuerdo pa e structura salarial i/o aumento general te ora yega na acuerdo” Brito a bisa.

CAMBIA STORIA

Gobierno ta cambia segun Brito, y e storia di semper ta cu e surplus ta ficticio, no tin placa, etc..  “ Pero siman pasa si nos mester a tende con e Minister di Financien y tur otro ministernan ta admiti e surplus !!   Ta hasta bisa cu esaki ta danki na sacrificio, entrega di pueblo.   Trahadornan  tambe a sacrifica,  tambe  a entrega y tambe tin palabracion duro cu e shareholder di Arubus cu ta pone e placa necesario pa yega na acuerdo y awo ta bin cu wega politico !!” Brito a sigui bisa. 

CAO ALARGA

Tambe tin e Cao cu a wordo alarga y pa esaki gobierno como shareholder di e compania mester a pone e placa como compensacion.  “Te ainda nada paso supuestamente no tin placa.  Tur sorto di wega ta keda hunga cu trahadornan”, Brito a finalisa bisando.